Чанде пеш аз ҷониби кормандони Мақомоти милитсияи ноҳияи Қубодиён зимни баргузории чорабиниҳои чорабиниҳои оперативӣ-ҷустуҷӯӣ дар ҳудуди ноҳия 2 ҳолати машғул шудани шаҳрвандон ба фолбинӣ ва сеҳру ҷодугарӣ ошкору муайян карда шуд.
Тибқи иттилои манбаъ, инҳо Аннакова Дилдор Қурбоназаровна, соли таваллудаш 1969, истиқоматкунандаи ноҳияи Қубодиён ва Назарова Малика Холмуродовна соли таваллудаш 1972, истиқоматкунандаи ноҳияи Қубодиён мебошанд.
- Зимни санҷиш муайян карда шуд, ки номбурдагон дар манзили истиқоматиашон шаҳрвандонро қабул намуда, бо воситаи рехтани хуни мурғи сиёҳ ва сафед бахткушоию фолбинӣ, сеҳргарӣ ва ба истилоҳи мардумӣ ба «гармиву хунуккунӣ» машғул будаанд. Ҳангоми азназаргузаронии манзили истиқоматии дастгиршудагон як қатор ашёҳои барои сеҳру ҷоду ва фолбинӣ истифодашаванда дарёфту мусодира карда шуданд, - иттилоъ медиҳад сомонаи Раёсати ВКД дар вилояти Хатлон.
Гуфта мешавад, ки вобаста ба ҳолатҳои мазкур нисбати номбаршудагон тибқи талаботи моддаи 482 Кодекси ҳуқуқвайронкунии маъмурии Ҷумҳурии Тоҷикистон протоколҳои маъмурӣ тартиб дода шуда, дар баррасии судӣ қарор доранд.
Мавриди зикр аст, ки тибқи таҳрири нав ва тағйироти воридгардида ба Кодекси ҳуқуқвайронкуниии маъмурии Ҷумҳурии Тоҷикистон айни ҳол ҷазо барои машғул шудан ба сеҳру ҷоду ва фолбинӣ дар намуди ҷарима ба андозаи аз 80 то 100 нишондиҳанда барои ҳисобҳо (аз 5760 сомонӣ то 7200 сомонӣ) ё ҳабси маъмурӣ ба мӯҳлати аз даҳ то понздаҳ шабонарӯз татбиқ карда мешавад.
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
9-03-2024, 16:45
Ҳамватанони азиз!Муҳтарам фаъолону намояндагони ҷомеа ва ходимони дин!...
26-01-2021, 14:00
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
