Ғолибияти тими “Хатлон” дар мусобиқаи ҷумҳуриявӣ
Муҳаррир: Суҳроби Рустам аз 25 август, Бахш: Матлабҳои охирин / Хабари рӯз / Ҷавонон ва варзиш / Хабарҳо, Боздид 993
![]()
Ба ифтихори 30-солагии Истиқлоли Ҷумҳурии Тоҷикистон дар Маҷмааи варзишии шаҳри Хоруғ бо ибтикори Кумитаи кор бо ҷавонон ва варзиши мамлакат байни наврасон мусобиқаи ҷумҳуриявии бадминтон баргузор гашт.
Мусобиқа бо ҳадафи оммавияти варзиш, тақвияти тарзи ҳаёти солим ва пойдори солимии ҷомеа рӯи кор омада, дар он варзишгарон аз шаҳри Душанбе, шаҳру ноҳияҳои тобеи марказ, вилоятҳои Хатлону Суғд ва ВМКБ бо ҳам рақобат намуданд.
Дар охир, дастаи “Хатлон” бо гирифтани 9 мақом ғолиби мутлақи мусобиқа шуда, Ҷомро ба даст овард. Зинаҳои дуюму сеюмро тими ВМКБ бо 7 ҷой ва Суғд 3 ҷой соҳиб шуданд. Ғолибон бо медалу ифтихорномаи кумита қадрдонӣ шуданд.
