БОХТАР “ШАҲРИ БЕХАТАР” МЕШАВАД
Муҳаррир: Суҳроби Рустам аз 16 июл, Бахш: Ҳокимияти давлати / Слайдер / Матлабҳои охирин / Хабари рӯз / Ҳаёти иҷтимоӣ / Хабарҳо, Боздид 270
![]()
Бо ҷалби сармояи мустақими хориҷӣ оид ба амалӣ намудани лоиҳаи “Шаҳри бехатар” ба маблағи 9 миллион доллар миёни шаҳрдории Бохтар ва шарикони рушд Ёддошти ҳамкорӣ ба имзо расидааст. Дар ин бора ба рӯзномаи “Хатлон” аз Мақомоти иҷроияи маҳаллии ҳокимияти давлатии шҳари Бохтар иттилоъ доданд.
Ба иттилои манбаъ, шартномаи мазкур барои ҷорӣ намудани назорати ҳаракати воситаҳои нақлиёт, низоми идоракунии видеоӣ, васли таҷҳизоти видеоӣ барои нақлиёти кормандони милитсия ва дигар тадбирҳои бехатарӣ дар шаҳр пешбинӣ шудааст.
- Дар маркази маъмурии вилояти Хатлон – шаҳри Бохтар 11 лоиҳаи давлатии сармоягузорӣ бо маблағи умумии 123,7 миллион доллар амалӣ гашта истодааст, ки азхудкунии маблағҳои он 72,5 миллион доллар ё худ 58,8 фисади нақшаро дар бар мегирад. Ҳамчунин ба маблағи 18,1 миллион доллар сармояи хориҷӣ ҷалб карда шудааст, ки аз ин 2,9 миллион доллар сармояи мустақим мебошад, - таъкид намуд манбаъ.
Дар баробари ин, дар доираи 5 лоиҳаи сармоягузорӣ, дар самти таъмини бехатарии ҳаракати воситаҳои нақлиёт, таҷдиди қубурҳои обу корез, бунёди муассисаҳои нави таълимӣ ва варзишӣ бо маблағи зиёда аз 20 миллион сомонӣ созишномаҳои ҳамкорӣ ба имзо расида, рӯзҳои наздик корҳои сохтмонӣ оғоз хоҳанд шуд.
Ба гуфтаи намояндаи Мақомоти иҷроияи маҳаллии ҳокимияти давлатии шаҳри Бохтар, ҷиҳати беҳтар намудани таъминоти аҳолӣ бо оби босифати нӯшокӣ ва таҷдиди хатҳои корез бо Бонки аврупоии таҷдид ва рушд созишномаи ҳамкорӣ ба маблағи 8,5 миллион евро баста шудааст.
Т. Толиб, “Хатлон”
-
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
-
9-03-2024, 16:45
Ҳамватанони азиз!Муҳтарам фаъолону намояндагони ҷомеа ва ходимони дин!...
-
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
-
26-01-2021, 14:00
-
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...