ДАР ЯК САТР
Рӯзномаи Хатлон » Ҳокимияти давлати » БАЛҶУВОН: БОЗДИДИ РАИСИ ВИЛОЯТИ ХАТЛОН АЗ РАФТИ ТАЪМИР ВА МУМФАРШКУНИИ РОҲ ДАР ДЕҲАИ ЧИНОРО


БАЛҶУВОН: БОЗДИДИ РАИСИ ВИЛОЯТИ ХАТЛОН АЗ РАФТИ ТАЪМИР ВА МУМФАРШКУНИИ РОҲ ДАР ДЕҲАИ ЧИНОРО



Нимаи дуюми рӯзи 1 май, раиси вилояти Хатлон Давлаталӣ Саид дар ноҳияи Балҷувон аз ҷараёни корҳои таъмир ва мумфаршнамоии роҳи аҳамияти маҳаллидошта дар деҳаи Чиноро боздид ба амал овард. Тибқи иттилоъ, корҳои роҳсозӣ дар масофаи 9 километр бо ташаббуси соҳибкорон ва сокинони маҳаллӣ амалӣ гардида истодааст.

Гуфта шуд, ки ин иқдоми хайрхоҳона бо мақсади беҳтар намудани шароити рафтуомади сокинон ва меҳмонон, инчунин фароҳам овардани имконияти мусоид барои рафтани хонандагон ба муассисаҳои таълимӣ, махсусан дар фаслҳои зимистон ва баҳор, ки боришоти зиёд ба қайд гирифта мешавад, роҳандозӣ гардидааст. Пас аз анҷоми пурраи корҳои мумфаршкунӣ, сокинон метавонанд дар тамоми фаслҳои сол бидуни мушкил дар дохили деҳа равуо намоянд.

Раиси вилоят зимни мулоқот бо сокинон ташаббуси онҳоро шоистаи таҳсин хонда, амалӣ намудани иқдомҳои созандагиро нишонаи баланди муҳаббату садоқати сокинон ба миллату давлат номиданд. Таъкид гардид, ки саҳми сокинон ва соҳибкорон дар ободонии маҳалҳо хеле муҳим буда, маҳз бо чунин корҳои дастаҷамъона сатҳи зиндагии мардум беҳтар мегардад.

Ҳамзамон, раиси вилоят ба масъулон ҷиҳати таъмини сифати корҳои роҳсозӣ ва дар муҳлати муқарраршуда ба анҷом расонидани онҳо дастуру супоришҳои мушаххас доданд.

Умарҷон Тошматов,
“ХАТЛОН”

Дигар хабарҳо

Рӯзнома дар Вазорати фарҳанги Ҷумҳурии Тоҷикистон таҳти рақами 117/рз-97 аз 07 январи соли 2019 аз нав ба ҳисоб гирифта шудааст.

хабарҳои охир

Яндекс.Метрика

Муассис:

МАҚОМОТИ ИҶРОИЯИ ҲОКИМИЯТИ ДАВЛАТИИ ВИЛОЯТИ ХАТЛОН

САРМУҲАРРИР

Носирҷон Маъмурзода