ШАХСОНИ ҲУҚУҚӢ 1311 ҶОЙИ КОРИИ НАВ ТАЪСИС ДОДААНД

-Яке аз самтҳои асосии фаъолияти Раёсати Агентии меҳнат ва шуғли аҳолии вилояти Хатлон бо кор таъмин намудани шаҳрвандони бекор буда, тибқи маълумотҳо 5010 субъекти хоҷагидорӣ аз ҷумла, 194 шахси ҳуқуқӣ ва 4815 соҳибкорони инфиродӣ фаъолият намуда истодааст, ки барои бо кор таъсин намудани сокинони вилоят мусоида намуда истодаанд, - изҳор дошт сардори ин ниҳод Қурбон Қурбозода зимни нишасти хабарӣ дар шаҳри Бохтар.

-Тибқи маълумотҳои оморӣ дар моҳҳои январ –майи соли 2024 дар ҳамаи шаклҳои хоҷагидории вилоят 29339 ҷойи кори нав ба қайд гирифта шудааст, ки аз ин шумора 1311 ҷой аз ҳисоби шахсони ҳуқуқӣ ва 28028 ҷойи аз ҳисобӣ шахсони воқеъӣ мебошад, илова намуд Қ.Қурбонзода.

Дар шашмоҳаи аввали соли 2024 ба раёсат, шуъба ва бахшҳои Агентии меҳнат ва шуғли аҳолӣ дар шаҳру ноҳияҳои вилоят 22128 шахсони бекор муроҷиат намуданд, ки аз ин шумора 20048 нафари онҳо ба қайд гирифта шудаанд. Аз шумораи умумии ба қайд гирифташудагон 10518 нафар мақоми бекорӣ дода шуд.