Дар як сатр
» » Номаи қалби табибон

Номаи қалби табибон

4-01-2016, 08:50

Ба Қаҳрамони Тоҷикистон, Асосгузори сулҳу ваҳдати миллӣ - Пешвои миллат, фарзанди фарзонаи Тоҷикистони азиз, Ҷаноби Олӣ муҳтарам Эмомалӣ Раҳмон


Номаи қалби табибон
Ҷаҳон огаҳ зи ҳар авроқи торих,
Кӣ истора, кӣ моҳ асту кӣ миррих.


Бале, халқе, ки барои рушди ҳамаи ҷабҳаҳои зиндагӣ ба ҷаҳониён панди ҳаёт омӯхт, бо китобу бо забони покаш, бо донандагони илмаш, бо табибони шуҳратёраш оламро тасхир карда буд, аз ҷониби кинаварзону тангназарон гоҳе завол ёфта, шикаст хӯрд, оғуштаи хуну ғам гашт. Вале нангу номус, китобу забонаш ормону орзуҳои миллӣ нагузошт, ки аз саҳифаи китоби ҳастӣ сутуда гардад. Орифону донишмандон андеша доранд, ки “Худованд миллатеро дӯст медорад, ки ба санҷишҳои сангини зиндагӣ тобовар бошад”.

Дар ҳақиқат, баъди дарду ранҷи таърих, ки дар охири асри бист ва оғози асри бистуяк боз такрор шуд. Шояд ин охирин санҷиш аз ҷониби Офаридгор бошад.

Имтиҳони солҳои 1992 асри гузашта, ки халқу Ватан дар кафи боди нестӣ, чанголи марг қарор дошт. Яздони пок барои наҷоти ин халқу меҳан Эмомалӣ Раҳмонро дар курсии тахту бахти миллат шинонд. Миллати паҳну парешон, Ватани ғамзада, сарзамини оғуштаи ашки андӯҳу хун, яъсу ноумедиҳо интизори фариштаи неки Суруш буд.

Шукри Худованд, ки он дам фаро расид, дар як муддати кӯтоҳи таърих парешонгаштаҳо ба ҳам омад, бо саховати Ҷаноби Олӣ хони халқ лабрези ғизо шуд. Ҷодаҳо ба чор самти олам во шуд. Фараҳ, рушди кишвар ҷайбҳои холиро пур аз пайсаву ганҷ кард. Парчами миллат дар кохи ҷаҳон, дар баробари мамлакатҳои рушдёфта мавқеъ гирифт. Фарзанди фарзонаи миллат бо саъйу талош, ҷонфишониҳо, ҷасорату матонат, бо шабзиндадориҳояш дар анҷуманҳои бонуфузи байналмилалӣ бо забони поку ноби модарии хеш миллатро муаррифӣ кард.

Халқи Тоҷикистони азиз ҳамеша аз раҳнамои хеш, бахусус аз он рӯзе, ки инони давлатдориро бар дӯш гирифт, бо умеду орзуҳои нек ба ҳар як амалаш менигаристанду инсонҳо дар симои Ҷаноби Олӣ муттако, табиб, падар, наҷотбахш, бародар ва роҳнамою марди қавлу амалро медиданд.

Бале, чунин ҳам ҳаст. Имрӯз кулли табибони Ватан, бахусус табибони шаҳри Қӯрғонтеппа, аз ҳиммату саховати Ҷаноби Олӣ бо як ҷаҳон хушнудӣ истиқбол мекунанд. Шароити мусоиди корӣ таҷҳизотҳои муосиру пешрафта, беморхонаҳои барҳавою замонавӣ моро вазифадор месозад, ки барои халқи азизамон аз ҷону дил хизмат намуда, баҳри пешрафти соҳа саҳми арзандаи худро гузорем.

Халқу Ватани азиз имрӯзҳо бо фарзанди азизи худ Асосгузори сулҳу ваҳдат - Пешвои миллат Ҷаноби Олӣ Эмомалӣ Раҳмон ифтихор дорад. Мо, табибони шаҳри Қӯрғонтеппа, бо ин мартабаи баланд Ҷаноби Олӣ, фарзанди покзамиру фарзонаи Тоҷикистони азиз Эмомалӣ Раҳмонро табрик гуфта, таманнои онро дорем, ки тансиҳату тавонманд, ҳамеша раҳнамои халқи Тоҷикистон ва тоҷикони ҷаҳон бошад.

Бо эҳтиром,
Мирсаев С.
Холов С.
Бояков А.
Муминов Ю.
Ҷалилов С.
Баротова Б.

Ҷамъ: 400 имзо


Шарҳи хонандагон +

Матолиби дигар:

Поянда бошӣ, эй Пешвои миллат

Поянда бошӣ, эй Пешвои миллат

Хабарҳо, Номаҳои Шумо
Эмомалӣ Раҳмон – Пешвои арзандаи миллати тоҷик

Эмомалӣ Раҳмон – Пешвои арзандаи миллати тоҷик

Сиёсат, Ҳаёти иҷтимоӣ, Хабарҳо, Номаҳои Шумо
Дар соли 2016 ба дастовардҳои бештар ноил гардем

Дар соли 2016 ба дастовардҳои бештар ноил гардем

Сиёсат, Хабарҳо
Фарзанди фарзонаи миллат

Фарзанди фарзонаи миллат

Сиёсат, Хабарҳо, Номаҳои Шумо
Муроҷиати модарони Хатлонзамин: Нагузорем, ки ҷоми булӯрини Ваҳдат осеб буб ...

Муроҷиати модарони Хатлонзамин: Нагузорем, ки ҷоми булӯрини Ваҳдат осеб буб ...

Хабарҳо, Ҳуқуқу амният, Ҷавонон ва варзиш