Эҳтиёҷмандон бо ангишти ройгон таъмин гардиданд
Муҳаррир: Суҳроби Рустам аз 07 феврал, Бахш: Матлабҳои охирин / Хабари рӯз / Хабарҳо, Боздид 727
![]()
Дар ноҳияи Фархор аз ҷониби соҳибкорони хайрхоҳ 450 тонна ангишти хушсифат харидорӣ шуда, ба 2876 нафар маъюбон, собиқадорони меҳнат ва оилаҳои ниёзманди 10 Ҷамоати шаҳраку деҳоти ноҳия ба таври ройгон тақсим карда шуд.
Тавре маркази матбуотии раиси ноҳияи Фархор хабар медиҳад, кӯмаки мазкур дар асоси дастуру супоришҳои Президенти кишвар Эмомалӣ Раҳмон ва дар доираи ҳамкориҳои Мақомоти иқроияи ҳокимияти давлатии ноҳия бо соҳибкорони маҳаллӣ анҷом дода шудааст.
Ҳамчунин, Ҷамоатҳои деҳоти Хуросон, Дарқад, Гулшан, Хутан, Истиқлол, Ватан ва Зафар низ аз кӯмаки мазкур баҳравар шуданд.
Ф. УМАРОВ , “Хатлон”
