Дар як сатр
» » Малахро нест бояд кард! (видео)

Малахро нест бояд кард! (видео)

13-04-2017, 15:14

Малахро нест бояд кард! (видео)

Барои пешгирии паҳншавии ҳашаротҳои зараррасон, аз ҷумла малахи марокашӣ семинар-машварати вилоятӣ оид ба «Ташкили усулҳои мубориза бар зидди малах ва ҳашаротҳои зараррасон» дар Ҷамоати деҳоти «Озодӣ»-и ноҳияи Ҷайҳун баргузор гардид.

Дар семинар-машварат Иззатулло Сатторӣ, вазири кишоварзии ҷумҳурӣ, Ҳакимзода Қурбонбой, муовини раиси вилояти Хатлон ва раисону муовинони раис аз 17 шаҳру ноҳияи вилояти Хатлон, ҳамчунин, намояндагону масъулони соҳаи кишоварзӣ иштирок доштанд.

Семинар аз ду қисм-амалӣ ва назариявӣ иборат буд. Дар қисмати амалӣ усулҳои мубориза бар зидди малах аз тариқи механикӣ, агротехникӣ, кимиёвӣ, биологӣ ва омода намудани маҳлулҳову истифодаи дурусти заҳрдоруҳо ба ҳозирин нишон дода шуд.

Инчунин, дар ин қисмат мутахассисон соҳа ба иштирокдорон тарзи дуруст ва дар кадом вақт истифода бурдани заҳрдоруҳоро ба воситаи дастгоҳу техникаҳои замонавӣ фаҳмонда, иброз доштанд, ки ба истифода аз имкониятҳои мавҷуда метавон хуруҷи ҳашаротҳои зараррасон, аз ҷумла малахро дар вилоят пешгирӣ намуд.

Дар қисмати назариявӣ зикр гардид, ки имсол ба Ҷумҳурии Тоҷикистон аз кишвари Ҷопон беш аз 50 дастгоҳу техникаҳои заҳрпош ворид гардида, як қисми он ба вилояти Хатлон ҷудо карда шуд.

Иззатулло Сатторӣ, вазири кишоварзии ҷумҳурӣ, зимни суханронии худ аз дастгириву ғамхориҳои бевоситаи Пешвои миллат ёдовар гардида, қайд намуд: «Ҳамасола баҳри пешгирии ҳашаротҳои зараррасон аз тарафи Ҳукумати ҷумҳурӣ маблағҳои зиёд ҷудо мегардад. Агарчи, қисме аз заҳрдоруҳо дар дохили кишвар омода ва қисми дигар аз хориҷи кишвар ворид гардад ҳам, лек он барои тамоми минтақаҳои осебпазир басанда нест. Аммо агар заҳдоруҳо сари вақт дар рӯзҳои мусоид, дар чунин минтақаҳои осебпазир гузаронида шавад, боварӣ дорам, ки зарар дар хоҷагиҳои кишоварзӣ камтар мегардад».

Ҳакимзода Қурбонбой, муовини раиси вилоят, изҳори хушнудӣ аз он намуд, ки сол то сол ба вилоят дастгоҳҳои ҷадиди заҳрпош ворид мегардад. Танҳо масъулини соҳаро лозим меояд, барои дуруст истифода бурдани чунин техникаҳо омӯзиш дода, онро барои пешгирии афзоиши ҳашаротҳои зараррасон самаранок истифода баранд.

Ҳакимзода Қурбонбой изҳор дошт, ки масъулини шаҳру ноҳияҳои вилоят ва мутахассисони соҳа метавонанд аз ҳоло муборизаро бар зидди паҳншавии малах оғоз бахшанд, то заҳмати мардуми меҳнаткаш талаф наёбад.


Дар анҷоми кори семинар-машварат масъулин фикру андешаҳои худро барои ҷоннок бахшидани мубориза дар ин самт баён намуда, ҷиҳати самаранокии он аз коршиносон маслиҳатҳои судманд гирифтанд.

Низомиддин ИСОЕВ,
Қӯрғонтеппа - Ҷайҳун- Қӯрғонтеппа



Шарҳи хонандагон +

Матолиби дигар:

Кишти баҳорӣ мувофиқи мақсад нест

Кишти баҳорӣ мувофиқи мақсад нест

Хабарҳо, Ҳокимияти давлатӣ, Ҳаёти иҷтимоӣ, КОМРОНИ БАХТИЁР
Мубориза бар зидди малах  кори дастаҷамъона аст

Мубориза бар зидди малах кори дастаҷамъона аст

Хабарҳо, Арсаи кишоварзӣ, АСАЛМО САФАРОВА
Намоиш-фурӯши техникаи кишоварзӣ дар ноҳияи Ҷомӣ

Намоиш-фурӯши техникаи кишоварзӣ дар ноҳияи Ҷомӣ

Иқтисоду тиҷорат, Хабарҳо, Арсаи кишоварзӣ, НИЗОМИДДИН ИСОЕВ
Муъминобод барои  парвариши картошка мусоид аст

Муъминобод барои парвариши картошка мусоид аст

Иқтисоду тиҷорат, Арсаи кишоварзӣ, ҒАЙБУЛЛО ҲАЛИМОВ
Ироаи 9 миллион сомонӣ барои маҳви малах

Ироаи 9 миллион сомонӣ барои маҳви малах

Хабарҳо, Арсаи кишоварзӣ, АСАЛМО САФАРОВА