ДУ КИТОБИ НАВИ КОМИЛӢ АЗ ЧОП БАРОМАД

Дар  доираи  солҳои 2026-2030 “Солҳои маърифати китобхонӣ дар вилояти Хатлон” ду китоби тозанашри Абдулҳай Комилӣ,  профессори Донишгоҳи  давлатии Бохтар ба номи Носири Хусрав, таҳти унвонҳои «Мунтахаби ғазалиёт ва мухаммасот»  ва «Савганди Буқрот» ба дасти хонандагон расиданд.

Маҷмуаи «Мунтахаби  ғазалиёт  ва мухаммасот», ки аз 100 саҳифа иборат мебошад,  беҳтарин  ғазалу  мухаммасоти муҳаққиқро дар бар гирифтааст. Дар ашъори китоб мавзуъҳои муҳимми инсонпарварӣ,  меҳру  муҳаббат,  эҳтироми  падару  модар,  ахлоқи ҳамида  ва  ватандӯстӣ  бо  сабки  баланду  таъсирбахш  инъикос  ёфтаанд. 

Ғазалҳои «Хоҳиш», «Сафар», «Орзу», «Эй  дил», «Шиква», «Мадҳи  модар» ва «Фарёди падар» аз ҷумлаи осори пурмазмуни маҷмуа буда, ҷаҳонбинии васеъ ва маҳорати эҷодии муаллифро бозтоб менамоянд.

Ҳамзамон, китоби илмӣ-таҳқиқотии «Савганди Буқрот», ки дар ҳаҷми 128  саҳифа нашр шудааст, ба масъалаҳои муҳимми таърихи тиб, ахлоқи пизишкӣ ва аҳаммияти савганди пизишкон бах-шида шудааст. 

Абдулҳай  Комилӣ  дар  асоси сарчашмаҳои илмӣ ва таърихӣ нақши Буқротро  дар  ташаккули  илми  тиб,  фарҳанги пизишкӣ ва арзишҳои инсонгароёна мавриди таҳлил қарор додааст. Дар китоб инчунин мавзуъҳои марбут ба савганди пизишкони Тоҷикистон ва  ҷойгоҳи  ахлоқи  тиббӣ  дар  ҷомеа баррасӣ шудаанд.

Нашри  ин  ду  китоб  бароидӯстдорони  адабиёт  ва  муҳаққиқонисоҳа  туҳфаи  арзишманд  буда,  метавонад  дар  боло  бурдани  маънавиёт, худшиносӣ ва рушди ҷаҳонбинии илмии ҷавонон нақши муҳим гузорад.

Комрони БАХТИЁР, «Хатлон»