Вакилони Маҷлиси намояндагон аз ҳисоби бонувон зиёд шуданд

Комиссияи марказии интихобот ва раъйпурсии мамлакат натиҷаҳои интихоботи вакилон ба Маҷлиси намояндагони Маҷлиси Олии Ҷумҳурии Тоҷикистон ба ивази вакилони хориҷшуда дар ҳавзаҳои ҳудудии якмандатаи интихоботии Ҷалолиддини Балхӣ №30 ва Вахш №32-ро, ки 18 апрели соли 2021 баргузор гардид, тасдиқ намуд.

Ҳамин тавр, Одиназода Ҳуснигул Раҷаб бо гирифтани 65,9%-и овози интихобкунандагон дар ҳавзаи ҳудудии якмандатии интихоботии Ҷ. Балхӣ №30 ва Абдусаломзода Мунаввар Алиакбар бо гирифтани 66,3% овози интихобкунандагон дар ҳавзаи ҳудудии якмандатии интихоботии Вахш №32 вакили Маҷлиси намояндагони Маҷлиси Олии Ҷумҳурии Тоҷикистон интихоб гардида, ба қайд гирифта, ваколатҳояшон тасдиқ карда шуданд.