Бохтар. Фардо 13 автобус вориди шаҳр мешавад

Фардо ба маркази маъмурии вилояти Хатлон - шаҳри Бохтар 13 нақлиёти ҷамъиятии автобус ворид карда мешавад, - гуфт зимни нишасти матбуотӣ раиси шаҳри Бохтар Баротзода Файзулло.

Ба қавли ӯ аз 39 автобусе, ки ба шаҳр бояд ворид шавад, фардо 13 автобус вориди Бохтар мешаванд. Интизор меравад, автобусҳо аз моҳи сентябр дар хидмати сокинон қарор мегиранд.

Ба иттилои ӯ, дар назар аст, ки барои одат кардани сокинон ба автобус, 10 рӯзи аввал автобусҳо ройгон ба мардум хизмат мерасонад. Ҳамчунин, барои маъюбону камбизоатон сабукиҳо роҳандозӣ карда мешавад.

"Хатлон"