Аз 15 август то 7 сентябри соли ҷорӣ дар шаҳри Бохтар даври дуюми озмуни ҷумҳуриявии “Ҳунарманди сол” дар вилояти Хатлон баргузор мегардад.
Тавре ки ба рӯзномаи “Хатлон” аз Раёсати рушди иқтисод ва савдои
Мақомоти иҷроияи ҳокимияти давлатии вилоят иттилоъ доданд, озмуни мазкур дар доираи “Барномаи рушди ҳунармандӣ дар Ҷумҳурии Тоҷикистон барои солҳои 2021-2025” гузаронида шуда, ҳадафи он муаррифӣ ва тарғибу ташвиқи санъати ҳунармандии маҳалҳо, ҳифз ва рушди ҳунарҳои мардумӣ, арҷгузорӣ ба меҳнати офарандагони маснуоти ҳунармандӣ унвон мешавад.
Озмуни “Ҳунарманди сол” аз рӯйи шаш номинатсия, аз ҷумла “Кандакорӣ, дуредгарӣ бо чӯб (гаҳворасозӣ, қошуқтарошӣ, табақтарошӣ, армуғонсозӣ, шонасозӣ ва сангтарошӣ)”, “дӯзандагӣ (ҷомадӯзӣ, тоқидӯзӣ, рӯймолдӯзӣ – камарбанд, гулдӯзӣ, зардӯзӣ, чакандӯзӣ, шероздӯзӣ, куртадӯзӣ)”, “Наққошӣ, рассомӣ (миниатюранигорӣ, кундалнигорӣ, хаттотӣ)”, “Кулолгарӣ, аҷубасозӣ ва гаҷкорӣ”, “Чармгарӣ (пойафзолдӯзӣ, мӯзадӯзӣ ва ғайра)”, “Бофандагӣ (атласбофӣ, адрасбофӣ, читгарӣ)” ва “Коркарди метал (заргарӣ, мисгарӣ, кордсозӣ, оҳангарӣ)” баргузор гардида, ғолибон бо дипломи дараҷаҳои 1,2 ва 3, Ифтихорнома, Сипоснома ва мукофотҳо қадр карда мешаванд.
http://khatlon-ruznoma.tj/
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
26-01-2021, 14:00
24-02-2022, 13:30
