Таманниёти солинавӣ

Соли нав соли мор аст,
Соли авҷу барор аст.
Найранги ҳилагарон 
Дар соли нав нофор аст.
*****
Соли нав соли мор аст,
Ҳама талош ба кор аст.
Соли пур аз комёбӣ
Бар афроди баор аст.
****
Соли нав орад навид,
Хайр гӯем бо лимит.
Аз пардохти пули барқ
Шодон бигирем расид.
***
Соли нави мелодӣ,
Орад муждаи шодӣ.
Тахфиф ояд ба бозор,
Бо нидои ободӣ.
***
Ҳуши блогерҳо ҳам
Дар ин сол ба сар ояд.
Дар ютубу инстаграм
Ҳарзагӯӣ сар ояд.
***
Соли нав соли мор аст,
Соли авҷу барор аст. 
Қалби ҳасуд дар оташ
Ҳам оҷизу ночор аст.
***
Соли нави мелодӣ,
Истиқлолу озодӣ. 
Ободиҳо дар авҷанд,
Аз ин бартар чӣ шодӣ?
***
Боз ҳам дар ин соли нав,
Китобхон бисёр шавад.
Дар озмунҳои кишвар 
Дастболо Хатлон шавад.
***
Теъдоди нашри «Хатлон»
Афзояд даҳ баробар.
Мақомаш аввал гардад
Дар матбуоти кишвар.
***
Афзояд дар соли мор,
Эътибори муаллим.
То ки равона гардад,
Неруи ӯ ба таълим.
***
Дар соли нави ҷорӣ
Камтар шавад беморӣ.
Дар зарурат духтурон,
Сар напечанд аз ёрӣ.
***
Бигзор пас аз соли нав, 
Донишҷӯ хонад китоб.
То баҳри имтиҳонҳо
Ҷайб накобад беҳисоб.
***
Дар соли нави мелод
Занҳо шаванд хонадор.
То маблағи муҳоҷир
Сарфа шавад аз бозор. 
***
Соли нав соли мор аст,
Таманниёт бисёр аст.
Лекин як нукта кофӣ
Ба мардуми ҳушёр аст.

ЗАНБӮР