10 ВАРЗИШГАРИ БЕҲТАРИНИ СОЛИ 2024

Ассотсиатсияи журналистони риштаи варзиши Тоҷикистон даҳ варзишгари беҳтарини соли 2024-ро эълон  кард.  Дар  асоси  натиҷагирии  назархоҳии  хабарнигорони варзишӣ ба даҳгонаи беҳтаринҳои сол намояндагони чор намуд – ҷудо, бокс, гуштии озод ва самбо дохил шуданд.

Сомон МАҲМАДБЕКОВ (ҷудо) - барандаи  медалҳои  биринҷии  Бозиҳои тобистонаи  олимпии  Париж-2024  ва қаҳрамонии ҷаҳон дар шаҳри Абузабии Имороти  Муттаҳидаи  Арабӣ  дар  вазни то 81 кг;

Темур РАҲИМОВ (ҷудо) – барандаи медали  биринҷии  Бозиҳои  тобистонаи олимпии Париж-2024 дар вазни +100 кг;

Давлат БОЛТАЕВ (бокс) - барандаи медали  биринҷии  Бозиҳои  тобистонаи олимпии Париж-2024 дар вазни то 92 кг;

Абдулмаҷид КУДИЕВ (гуштии озод) - барандаи медали биринҷии қаҳрамонии ҷаҳон дар шаҳри Тиранаи Албания дар вазни то 70 кг;

Акмал УБАЙДОВ (бокс) – барандаи медали  тиллои  қаҳрамонии  Осиё  дар шаҳри Чиангмайи Тайланд дар вазни то 60 кг;

Виктор  РАССАДИН  (гуштии  озод)  – барандаи  медали  нуқраи  қаҳрамонии Осиё  дар  шаҳри  Бишкеки  Қирғизистон дар вазни то 74 кг;

Парвиз КАРИМОВ (бокс) – барандаи медали  нуқраи  қаҳрамонии  Осиё  дар шаҳри Чиангмайи Тайланд дар вазни то 92 кг;

Эмомалӣ  НУРАЛӢ  (ҷудо)  –  барандаи  медали  тиллои  “Tashkent  Grand Slam 2024” дар вазни то 66 кг;

Муҳаммадсолеҳ  ҚУВВАТОВ  (ҷудо) –  барандаи  медали  тиллои  “Dushanbe Grand Slam 2024” дар вазни то 60 кг;

Сорбон  ЛАТИФОВ  (самбо)  –  барандаи  медали  биринҷии  қаҳрамонии ҷаҳон  дар  шаҳри  Остонаи  Қазоқистон дар вазни то 64 кг.

“Паҳлавони  маъруфи  тоҷик  Сомон Маҳмадбеков, ки дар Олимпиадаи Париж-2024  ва  қаҳрамонии  ҷаҳон  дар шаҳри  Абузабии  Имороти  Муттаҳидаи Арабӣ дар риштаи ҷудо дар вазни то 81 кило медали биринҷӣ гирифт, беҳтарин варзишгари  соли  2024  дониста  шуд”, -  иброз  дошт  раиси  АЖРВТ  Нарзулло  Латипов.

«ХАТЛОН»