ДАР ЯК САТР
Рӯзномаи Хатлон » Ҳокимияти давлати » ҚАБУЛИ САЙЁРИ РАИСИ ВИЛОЯТИ ХАТЛОН ВА МУЛОҚОТ БО ФАЪОЛОНУ РОҲБАРИЯТИ НОҲИЯИ ДАНҒАРА


ҚАБУЛИ САЙЁРИ РАИСИ ВИЛОЯТИ ХАТЛОН ВА МУЛОҚОТ БО ФАЪОЛОНУ РОҲБАРИЯТИ НОҲИЯИ ДАНҒАРА

Муҳаррир: Суҳроби Рустам аз 24 август, Бахш: Ҳокимияти давлати / Слайдер / Матлабҳои охирин / Хабари рӯз / Ҳаёти иҷтимоӣ / Хабарҳо, Боздид 180



Имрӯз, 23 август, дар маҷлисгоҳи Мақомоти иҷроияи ҳокимияти давлатии ноҳияи Данғара аз ҷониби раиси вилояти Хатлон Давлаталӣ Саид қабули сайёри шаҳрвандон баргузор гардид.

Дар қабули сайёр шаҳрвандон оид ба таъмини оби нӯшокӣ, камбуди роҳҳои маҳаллаҳо, расонидани кӯмаки молиявӣ, ҷудо намудани қитъаи замини наздиҳавлигӣ, ҷудо намудани замин барои сохтмони бунгоҳи тиббӣ, сохтмони майдончаи варзишӣ, расонидани кӯмаки молиявӣ барои табобат, сохтмони кӯдакистон, ҷудо намудани замин барои сохтмони коргоҳи дӯзандагӣ дархости мусоидати раиси вилоятро намуданд.

Раиси вилоят Давлаталӣ Саид ба масъулони идораҳои вилоятӣ ва ноҳиявӣ ҷиҳати баррасии саривақтӣ ва расидагӣ ба арзу муроҷиати шаҳрвандон дастуру супоришҳои мушаххас дода, таъкид намуданд, ки дар сохтмони хонаҳои истиқоматӣ ба ниёзмандон кӯмак намоянд.
Пас аз шунидани муроҷиати шаҳрвандон раиси вилояти Хатлон Давлаталӣ Саид бо фаъолон ва роҳбарони сохторҳои мақомоти иҷроияи ҳокимияти давлатии ноҳияи Данғара мулоқот анҷом доданд.

Раиси вилоят аз мушкилоту камбудиҳои соҳаҳои гуногун ёдовар шуда, масъулин ва фаъолонро вазифадор намуданд, ки дар корҳои ободониву хуррамгардонӣ, баланд бардоштани сатҳу сифати таълим, хизматрасонии тиббӣ, ба роҳ мондани истеҳсоли маҳсулоти саноатӣ дар заминаи коркарди маҳсулоти кишоварзӣ, таъсиси корхонаҳои саноатӣ, таҳкими корҳои идеологӣ, ҳамкорӣ бо бахши хусусӣ барои ҳалли масъалаҳои иҷтимоии мардум, корҳои фаҳмондадиҳӣ бо усули “Хона ба хона”, шомилшавии ҷавонон ба ҳизбу ҳаракатҳои террористиву экстремистӣ, даъвати ҷавонон ба хизмати ҳарбӣ, таълимоти ғайриқонунии динӣ ва дигар масъалаҳои мубрам саҳмгузор бошанд.



Раиси вилоят қомат афрохтани иншооти ҷашниро дар ноҳия аз иқдомҳои шоиста унвон карда, роҳбарияти ноҳияро муваззаф намуданд, ки чунин амалҳои ободкориро дар дигар деҳаҳо ба роҳ монанд. 

Ҳамзамон раиси вилоят дар анҷоми мулоқот нишондиҳандаҳои иқтисодию иҷтимоии ноҳияро дар зарфи 7 моҳи соли равон мавриди таҳлилу баррасӣ қарор дода, таъкид намуданд, ки ҷиҳати ҳалли мушкилоти мавҷуда дар ин самт чораҷӯӣ карда шавад.

Дигар хабарҳо

ПРЕЗИДЕНТ

Нашрияи мо (PDF)

Бойгонӣ

Октябр 2024 (90)
Сентябр 2024 (120)
Август 2024 (83)
Июл 2024 (102)
Июн 2024 (121)
Май 2024 (147)

Рӯзнома дар Вазорати фарҳанги Ҷумҳурии Тоҷикистон таҳти рақами 117/рз-97 аз 07 январи соли 2019 аз нав ба ҳисоб гирифта шудааст.

категорияҳо

хабарҳои охир

Яндекс.Метрика

Сомонаҳои расмӣ

Муассис:

МАҚОМОТИ ИҶРОИЯИ ҲОКИМИЯТИ ДАВЛАТИИ ВИЛОЯТИ ХАТЛОН

САРМУҲАРРИР

Носирҷон Маъмурзода