РУШДИ СОҲАИ САНОАТ ДУР ҶУМҲУРӢ

То соли 1991 дар Тоҷикистон ҳамагӣ 358 корхонаи саноатӣ бо 33 ҳазор ҷойи корӣ фаъолият дошт. Пас аз ба даст овардани Истиқлолӣ давлатӣ дар ҷумҳурӣ шумораи корхонаҳои саноатӣ ба зиёда аз 3 ҳазор ва фарогир бо 54 ҳазор ҷойи корӣ расонида шуд.

Дар ин хусус Президенти Ҷумҳурии Тоҷикистон муҳтарам Эмомалӣ Раҳмон дар Пайём ба Маҷлиси Олиии Ҷумҳурии Тоҷикистон 28 декабри соли 2023 зикр доштанд.

Чуноне аз Вазорати саноат ва технологияҳои нави Ҷумҳурии Тоҷикистон, иттилоъ дорем то якуми июли соли 2024 дар ҷумҳурӣ 3580 корхонаи саноатӣ ба қайд гирифта шудааст. Дар шаш моҳи соли равон дар ҷумҳурӣ 251 корхонаи нави саноатӣ таъсис ёфтааст, ки дар натиҷаи фаъолияти беш аз 250 корхонаи нави саноатӣ дар мамлакат 1714 ҷои кор фароҳам оварда шудааст.

Аз ҷумла, дар вилояти Хатлон 42 корхона бо фарогири 344 ҷойи кории нав фаъолият доранд.

Қайд бояд кард, ки айни замон барои саноатикунонии босуръати мамлакат аз ҷониби Ҳукумати ҷумҳурӣ тадбирҳои муассир андешида мешаванд. Аз ҷумла, дар ин самт «Стратегияи рушди саноат дар Ҷумҳурии Тоҷикистон барои давраи то соли 2030» ва дар асоси он «Барномаи рушди металлургияи ранга ва сиёҳ дар Ҷумҳурии Тоҷикистон барои давраи то соли 2025», «Барномаи рушди саноати сабук дар Ҷумҳурии Тоҷикистон барои давраи то соли 2022» ва дигар барномаҳои соҳавӣ амалӣ гардида истодаанд.