ДАР ЯК САТР
Рӯзномаи Хатлон » Ҳокимияти давлати » НОҲИЯИ АБДУРАҲМОНИ ҶОМӢ. БОЗДИДИ РАИСИ ВИЛОЯТ АЗ РАФТИ КОРҲОИ СОХТМОНӢ ДАР ИНШООТҲОИ ҶАШНӢ


НОҲИЯИ АБДУРАҲМОНИ ҶОМӢ. БОЗДИДИ РАИСИ ВИЛОЯТ АЗ РАФТИ КОРҲОИ СОХТМОНӢ ДАР ИНШООТҲОИ ҶАШНӢ

Муҳаррир: Суҳроби Рустам аз 16 август, Бахш: Ҳокимияти давлати / Слайдер / Матлабҳои охирин / Хабари рӯз / Хабарҳо, Боздид 144



Имрӯз, 16 август, раиси вилояти Хатлон Давлаталӣ Саид зимни сафари корӣ дар ноҳияи Абдураҳмони Ҷомӣ бо рафти корҳои сохтмонӣ дар иншоотҳои ҷашнӣ шинос шуданд.

Дар доираи корҳои бунёдкорию созандагӣ ва ободонӣ бахшида ба ҷашни бузурги миллӣ - 35-солагии Истиқлоли давлатии Ҷумҳурии Тоҷикистон ва рушди инфрасохтори ноҳия бо усули муосири меъморӣ, сифати баланд ва ҷавобгӯ ба талаботи замони муосир як қатор иншоотҳо сохта шуда истодааст.

Раиси вилоят дар шаҳраки Абдураҳмони Ҷомӣ аз ҷараёни корҳои сохтмонии бинои Қасри фарҳанг, идораи нозироти андоз, бинои баландёшёнаи истиқоматӣ, маркази савдо, боғи фарҳангӣ ва дигар иншоотҳо дидан намуд. 

Раиси вилояти Хатлон Давлаталӣ Саид зимни шиносоӣ таъкид намуд, ки бояд ишоотҳои ҷашнӣ бо сифати баланд ва тибқи нақша сохта шаванд. Ба сохтмончиён дастур дода шуд, ки ба намои берунии бино аҳамияти ҷиддӣ дода шавад.

Раиси вилоят таваҷҷуҳи масъулонро ба масъалаи ободу зебо кардани муҳити атроф, саҳни ҳавлии Қасри фарҳанги ноҳия, равшаннамоӣ, шинонидани гулу буттаҳо ва ороишиву ҳамешасабз ва сояафкан ҷалб намуданд.

Инчунин, раиси вилоят ба масъулин ҷиҳати истифодаи босамари замин, гирифтани зиёда аз ду ҳосил, кишти такрорӣ, истеҳсоли маҳсулоти кишоварзӣ, захираи кофии маводи ғизоӣ ва таъмини бозорҳои мамлакат бо маҳсулоти тару тозаи кишоварзӣ дастуру супоришҳо доданд.

Вобаста ба корҳои ободонию бунёдкорӣ ба ифтихори ҷашни муқаддаси миллӣ 35 - солагии Истиқлоли давлатии Ҷумҳурии Тоҷикистон дар шаҳру ноҳияҳои вилоят аз 6260 адад иншооти нақшавӣ 3090 иншоот ба маблағи 2,5 млрд сомонӣ сохта, ба истифода дода шудааст. 
Дар 6 моҳи соли ҷорӣ дар доираи нақшаи чорабиниҳои мазкур 685 иншоот аз ҷумла  таъмиру сохтмони 50 иншооти соҳаи маориф, 7 дармонгоҳ барои  қабули 140 нафар дар як баст, 15 адад иншоотҳои фарҳангӣ, 6 адад биноҳои истиқоматии бисёрошёна, 22  иншооти варзишӣ, 55 иншооти соҳаи кишоварзӣ, 2 иншооти соҳаи саёҳӣ ва ҳунарҳои мардумӣ, хати оби нӯшокӣ, сохтмони 126 км роҳҳо ва 30 адад пулҳои автомобилгард дар қитъаҳои гуногун, 171 иншооти хизматрасонӣ  ва 176 адад дигар биною иншооти таъиноти иқтисодию иҷтимоӣ мавриди баҳрабардорӣ қарор дода шудааст, ки дар ин замина барои 29,3 ҳазор окинони маҳаллӣ ҷойи кори нав таъсис ёфтааст.

Ҷиҳати зиёд намудани шумораи иншоотҳои ҷашнӣ дар шаҳру ноҳияҳои вилоят, дар умум 739 адад иншоот иловатан ба нақшаи чорабиниҳо ворид карда шуда, корҳо дар ин самт батадриҷ амалӣ шуда истодааст.

Дигар хабарҳо

ПРЕЗИДЕНТ

Нашрияи мо (PDF)

Бойгонӣ

Октябр 2024 (90)
Сентябр 2024 (120)
Август 2024 (83)
Июл 2024 (102)
Июн 2024 (121)
Май 2024 (147)

Рӯзнома дар Вазорати фарҳанги Ҷумҳурии Тоҷикистон таҳти рақами 117/рз-97 аз 07 январи соли 2019 аз нав ба ҳисоб гирифта шудааст.

категорияҳо

хабарҳои охир

Яндекс.Метрика

Сомонаҳои расмӣ

Муассис:

МАҚОМОТИ ИҶРОИЯИ ҲОКИМИЯТИ ДАВЛАТИИ ВИЛОЯТИ ХАТЛОН

САРМУҲАРРИР

Носирҷон Маъмурзода