ҚАБУЛИ САЙЁРИ ШАҲРВАНДОН АЗ ҶОНИБИ МУОВИНИ РАИСИ ВИЛОЯТИ ХАТЛОН

Имрӯз, 13 август, дар маҷлисгоҳи муассисаи таҳсилоти миёнаи умумии №19 воқеъ дар Ҷамоати деҳоти Зиракии шаҳри Кӯлоб аз ҷониби муовини раиси вилояти Хатлон Ҷамшед Каримзода Ҷамшед қабули сайёри шаҳрвандон доир гардид.

Нахуст, муоини раиси вилояти Хатлон Ҷамшед Каримзода зимни вохӯрӣ қайд намуд, ки ҳаллу фасли масъалаҳои иҷтимоии шаҳрвандон таҳти назорати бевоситаи Пешвои муаззами миллат муҳтарам Эмомалӣ Раҳмон қарор дорад.

Каримзода Ҷамшед ба масъулини идораҳо ҷиҳати баррасии саривақтӣ ва расидагӣ ба арзу муроҷиати шаҳрвандон дастуру супоришҳо дод.

Сипас, Каримзода Ҷамшед масъулин, фаъолон ва сокинони Ҷамоати деҳоти Зиракӣ мулоқот анҷом дод.

Каримзода Ҷамшед оид ба вусъати корҳои ободониву хуррамгардонӣ, баланд бардоштани сатҳу сифати таълим, хизматрасонии тиббӣ, таҳкими корҳои идеологӣ, ҳамкорӣ бо бахши хусусӣ барои ҳалли масъалаҳои иҷтимоии мардум, омодагӣ ба даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон, инчунин оид ба самаранок истифода бурдани замини наздиҳавлигӣ, рӯёндани ду ҳосил аз заминҳои корам, захираи маводи озуқаворӣ ва дигар масъалаҳои мубрам ба масъулин дастуру супоришҳо дод.