Дар идомаи сафари корӣ Сарвазири мамлакат Қоҳир Расулзода, раиси вилояти Хатлон Давлаталӣ Саид ба марҳилаи дуюми сохтмони фабрикаи парандапарварӣ ҳусни оғоз бахшиданд.
Фабрика дар деҳаи Даштигулои Ҷамоати деҳоти “Даштигуло” барои таъмини аҳолӣ бо гушти парҳезии мурғ аз тарафи соҳибкори маҳаллӣ Бобомурод Назаров ба маблағи зиёда аз 2,9 миллион сомонӣ бунёд гардида истодааст.
Масоҳати умумии фабрика 0,36 га-ро ташкил дода, таҷҳизотҳои он аз Ҷумҳурии Мардумии Чин ворид карда шудааст. Марҳилаи якуми сохтмон дар соли 2021 ба анҷом расида, парвариши 13700 сар парранда ба роҳ монда шудааст.
Марҳилаи дуюми сохтмони фабрика барои парвариши боз 16300 сар парранда ба маблағи зиёда аз 1,7 миллион сомонӣ дар арафаи анҷомёбӣ қарор дошта, дар маҷмўъ парвариши 30 ҳазор сар парранда ба роҳ монда мешавад, ки зиёда аз 20 нафар сокинон бо ҷойи кори доимӣ таъмин мегарданд.
Айни замон сохтмони бинои асосии фабрика ва ҷобаҷогузории таҷҳизотҳои он пурра ба анҷом расида, корҳои рангуборкунии бино, сохтмони роҳравҳо ва кабудизоркунии атрофи он идома дорад.
Сарвазири мамлакат ба кори сохтмончиён баҳои баланд дода, ин иқдомро дар доираи истиқболи 35-солагии Истиқлоли давлатии Ҷумҳурии Тоҷикистон шоистаи таҳсин хонд.
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
9-03-2024, 16:45
Ҳамватанони азиз!Муҳтарам фаъолону намояндагони ҷомеа ва ходимони дин!...
26-01-2021, 14:00
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
