Кӯлоб. Боздид аз мавзеи харобгардидаи дарёчаи “Кӯлоб”

Имрӯз Сарвазири мамлакат муҳтарам Қоҳир Расулзода, раиси вилояти Хатлон муҳтарам Давлатали Саид ва ҳамроҳонаш аз рафти корҳои соҳилмустаҳкамкунии дарёчаи "Кӯлоб", воқеъ дар деҳаи Лағмони Ҷамоати деҳоти Кӯлоб дидан намуданд.

Дарёчаи “Кӯлоб” аз Ҷамоати деҳоти Зиракӣ сарчашма гирифта, дар ноҳияи Восеъ ба дарёи Ёх-Су мерезад. Дарёчаи мазкур ба дарозии 25 километр тул кашида, аз ҳудуди шаҳри Кӯлоб бо дарозии 7,5 км гузашта барои обёри намудани заминҳои кишоварзии Ҷамоати деҳоти Кӯлоб, Ҷамоати деҳоти Зарбдори шаҳри Кӯлоб, ноҳияи Восеъ ва гузаронидани обҳои сою селпартобҳои Сангпар, Сойи Тебалай, Девонасой, Шураксой, сойи Шулулу ва сойи Ғарабдара хизмат мерасонад.

Дарёчаи мазкур дар вақти боронгариҳои тирамоҳу баҳори солҳои гузашта, зиёда аз 5,5 км садҳои муҳофизатиаш аз ҳар ду тараф хароб гаштаааст. Боиси қайд аст, ки мавзеи харобгардидаи дарёчаи “Кӯлоб”, воқеъ дар деҳаи Лағмони Ҷамоати деҳоти Кӯлоб яке аз мавзеҳои хавфдошта ба ҳисоб рафта, садди муҳофизатиаш хароб гаштааст ва дар вақти боронгариҳои баҳорӣ хавфи баамаломадани рахнашавиро дорад. Дар ҳолати рахнашавӣ эьтимоли ба аҳолӣ ва заминҳои кишоварзии Ҷамоати деҳоти Кӯлоб ва Зарбдор зарари калон мерасонад.

http://khatlon-ruznoma.tj/