БОЗДИДИ РАИСИ ВИЛОЯТИ ХАТЛОН АЗ РАФТИ СОХТМОНИ ТАЪЛИМГОҲИ НАВ ДАР ШАҲРИТУС

Муҳаррир: Суҳроби Рустам аз 25 ноябр, Бахш: Ҳокимияти давлати / Слайдер / Матлабҳои охирин / Хабари рӯз / Хабарҳо, Боздид 256

25 ноябр раиси вилояти Хатлон Давлаталӣ Саид зимни сафари кориаш ба ноҳияи Шаҳритус нахуст аз ҷараёни корҳои сохтмони бинои муассисаи таҳсилоти миёнаи умумии № 11, ки деҳаи Лолазори Ҷамоати деҳоти ба номи Т. Садриддинов воқеъ аст, огоҳ гардид.

Иттилоъ дода шуд, ки иншооти мазкур дар доираи нақшаи чорабиниҳо бахшида ба ҷашни 35-солагии Истиқлоли давлатии Ҷумҳурии Тоҷикистон бо усули муосири меъморӣ сохта ба истифода дода мешавад.

Бинои мазкур дуошёна буда, масоҳати умумиаш 3,60 гектар аст. Дар иншооти нав ҳамчунин ҳуҷраҳои кории директори муассиса, омӯзгорон ва синфхонаҳои фаннӣ ҷойгир карда шудаанд.

Фармоишгари сохтмон Вазорати маориф ва илми Ҷумҳурии Тоҷикистон буда, корҳои сохтмонӣ дар ин иншоот соли 2022 оғоз гардида, дар давоми беш аз як сол бинои наву замонавӣ бо сатҳу сифати баланд сохта, то охири соли ҷорӣ ба истифода дода мешавад.

Дар рафти корҳои сохтмонӣ то 20 нафар сокинони маҳалӣ бо кор ва маоши хуб таъмин гардидаанд. Баъди ба истифода дода шудани иншооти мазкур дар ду баст 480 нафар хонандагон ба таҳсил фаро гирифта мешаванд.

Гуфта шуд, ки дар баробари корҳои ба анҷомрасида дар бинои муассиса ба масъалаи ободу зебо гардонидани муҳити атроф, чароғонкунӣ, шинонидани гулу гулбуттаҳо ва дарахтони сояафкану ороишӣ шинонида шуда, дар ин самт ҳамарӯза корҳо идома доранд.

Баъд аз шиносоӣ бо ҷараёни корҳо раиси вилоят Давлаталӣ Саид ба сохтмончиён ва масъулин таъкид намуд, ки корҳои ободонӣ дар иншооти ҷашнӣ бояд вусъат ёбанд ва дар амалӣ шудани иқдомоти мазкур, қабл аз ҳама, роҳбарон, шуруъ аз раиси ноҳия то сардорони ташкилоту муассисаҳо намунаи ибрат бошанд.

http://khatlon-ruznoma.tj/