Ҳаҷми миёнаи нафақапулӣ дар Хатлон чӣ қадар аст?

Шумораи афроди нафақагир дар шаҳру навоҳии вилояти Хатлон тайи як соли охир 7263 нафар афзудааст.

Тавре ки ба рӯзномаи “Хатлон” аз Раёсати Агентии суғуртаи иҷтимоӣ ва нафақаи вилоят иттилоъ доданд, дар вилоят шумораи нафақагирон 274,5 ҳазор нафарро ташкил дода, нисбат ба ҳамин давраи соли гузашта 2,7 фоиз зиёд шудааст.

Ҳисоби миёнаи нафақа дар вилояти Хатлон ба 317,1 сомонӣ баробар буда, дар семоҳаи якуми соли 2023 барои пардохти маблағи нафақа аз ҳисоби воридоти маблағҳои худӣ ва маблағҳои кӯмаки молиявии Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон 270,3 миллион сомонӣ равона гардидааст, ки 100 фоизи талаботро ташкил медиҳад.

http://khatlon-ruznoma.tj/