Дар як сатр
» » Мадрасаи Хоҷа Машҳад

Мадрасаи Хоҷа Машҳад

27-02-2017, 11:19

Мадрасаи Хоҷа Машҳад

Ин мадрасаи боҳашамат ба асри 9-10 тааллуқ дошта, аз маркази ноҳияи Шаҳритӯс 8 км ҷанубтар воқеъ аст. Алҳол, дар атрофи ин ёдгории бузург деҳаи Сайёд мавҷуд буда, аҳолии он, асосан, тоҷикон мебошанд.

Мадрасаи Хоҷа Машҳад аз ду толори калон иборат буда, онҳо гунбазшакл пӯшонида шуданд. Баландии тарафи гумбази рост 13 метр, тарафи чапаш 24 метр мебошад. Толори тарафи рост ҷойи хониши толибилмон буда, дар толори чап намоз мехондаанд, зеро дар тарафи қиблаи ин толор меҳроб мавҷуд аст.

Алҳол, дар даруни толори тарафи чап 23 қабр, дар даруни тарафи рост бошад, 22-то қабр мавҷуд аст. Аз рӯйи нақли назоратчӣ Азимов Давлатмурод онҳо авлоди ҳазрати Хоҷа Машҳад мебошанд. Дар ин ҷо бостоншинос Хмелинский солҳои 50-уми асри гузашта ҳафриёт бурда, ҳамаи он қабрҳоро омӯхтааст.

Тақрибан 100 м шимолтар аз мадраса ҳуҷраҳо барои толибилмон сохта шудааст. Дар қисмати шарқии мадраса бошад, китобхона мавҷуд будааст.

Мадрасаи Хоҷа Машҳад, ҳамзамон, бо он машҳур аст, ки дар ин ҷо Носири Хусрав тӯли 7 сол таҳсил кардааст.

Мадраса дар асрҳои 9-10 бино ёфта, пойдевор ва тамоми деворҳои гумбаз аз хишти пухта сохта шудааст. Ғафсии пойдевор 3 метр буда, ин иншоот дар тӯли қарнҳо ба ҳама офатҳо тоб оварда, то рӯзҳои мо расидааст.



Шарҳи хонандагон +

Матолиби дигар:

Мазори Ҳазрати Султон Увайси Қаранӣ

Мазори Ҳазрати Султон Увайси Қаранӣ

Туризм, НОСИРҶОН МАЪМУРЗОДА
Таъсиси ихтисосҳои нав дар ДДҚ ба номи Носири Хусрав

Таъсиси ихтисосҳои нав дар ДДҚ ба номи Носири Хусрав

Хабарҳо, Маориф ва илм, НОСИРҶОН МАЪМУРЗОДА
М. Ҷабборӣ: «Ба таҳсилоти духтарони деҳот бояд таваҷҷуҳи хоса зоҳир шавад»

М. Ҷабборӣ: «Ба таҳсилоти духтарони деҳот бояд таваҷҷуҳи хоса зоҳир шавад»

Ҳаёти иҷтимоӣ, Хабарҳо, ҲАНГОМА ПАҲЛАВОНОВА
Н. Хусрав. Таҳсили 3528 хонанда дар синфҳои ӯзбекӣ

Н. Хусрав. Таҳсили 3528 хонанда дар синфҳои ӯзбекӣ

Хабарҳо, Маориф ва илм
Кӯлоб. Сохтмони пул моҳи феврал анҷом меёбад

Кӯлоб. Сохтмони пул моҳи феврал анҷом меёбад

Хабарҳо, НАҶОТ САФАРЗОДА