Дар як сатр
» » «Корвони маърифат» ба Хуросон омад

«Корвони маърифат» ба Хуросон омад

8-02-2017, 14:11

«Корвони маърифат» ба Хуросон омад

Чорабинии маърифатию иттилоотии «Корвони маърифат», ки бахшида ба 20-солагии Рӯзи ваҳдати миллӣ ташкил ёфта, дар он намояндагони соҳаҳои илм, тандурустӣ, фарҳанг, шуъбаи дин ва танзими анъана ва ҷашну маросимҳои миллӣ, Раёсати ҷавонон, варзиш ва сайёҳӣ, Раёсати кор бо занон ва оилаи вилоят ва ВАО шомиланд, ба ноҳияи Хуросон расид.

«Корвони маърифат» рӯзи 3 феврали соли ҷорӣ вохӯрии нав-батии ҳудро дар ноҳияи Хуросон оғоз кард. Ҳадафи «Корвони маърифат» фаҳмонда додани муҳтавои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба омма, ҳамзамон, дастовардҳои кишвари соҳибистиқлол дар давоми 20 соли ваҳдатдорӣ, омилҳои расидан ба ҳадафҳои барномаҳои стратегии мамлакат, аз қабили истиқлолияти эенергетикии кишвар, раҳоӣ аз бунбасти коммуникатсионӣ ва таъмини амнияти озуқаворӣ, ҷиҳати танзими расму оин, масъулияти падару модар дар таълиму тарбияи фарзанд мебошад.

Дар Ҷамоати деҳоти Фахрободи ноҳияи Хуросон чунин мулоқот бо иштироки сокинони деҳот баргузор гардид, ки дар он доир ба мубориза бар зидди ҷиноятҳои терроризму экстремизм, фаъолшавии унсурҳои тунд-раву ифротгаро, ҷалби ҷавонон ба сафи созмонҳои экстремистиву террористӣ ва иштироки онҳо дар низоъҳои мусаллаҳонаи давлатҳои хориҷӣ ва оқибатҳои ногувори он маълумот доданд.

«Корвони маърифат» ба Хуросон омад

Дар ин замина, эҷодкорону ҳунармандон бо намунаҳои ашъору барномаҳои ҷолиби худ хотири мардуми ноҳияи Хуросонро шод гардониданд. Адибон Амиршоҳи Хатлонӣ, Озар, Офоқ аз дастуру ҳидоятҳои Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон, ки дар Паёми навбатии худ ба Маҷлиси Олӣ дарҷ гардидааст, ҳозиринро фаҳмонданд. Сипас, шоирону нависандагони шинохта аз ашъори тозаэҷоди худ дар васфи Ватан, Тоҷикистон, рамзҳои давлатӣ, ишқи поки ҷавонӣ намунаҳо қироат намуданд. Ҳамчунин санъаткорони вилоят бо саҳначаҳои пурмазмун ва шеъру тарона дар ҷамоатҳои деҳот ҳунарнамоӣ карданд.

Боиси зикр аст, ки дар ин корвон кормандони соҳаи тандурус-тии вилоят шомил буданд ва ба аҳолии мавзеъҳои дурдастарини ноҳия хизмати ройгони тиббӣ расониданд. Инчунин, Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун дигар иқдомҳои созандаву бунёдкоронаашон дар ҷомеа бо рӯҳбаландӣ истиқбол гардид. Паём барои расидан ба рӯзгори боз ҳам неку саодатманди мардуми Тоҷикистон роҳнамост.

«Корвони маърифат» ба Хуросон омад
Ҷамъомади ҷамъбастӣ, ки дар Кохи фарҳанги ноҳияи Хуросон баргузор гардид. Дар ҷамъомад Махфират Хидирзода, муовини раиси вилояти Хатлон ва Раҳматулло Сафарзода, раиси ноҳияи Хуросон, ширкат варзиданд. Роҳбарони гурӯҳҳои кории «Корвони маърифат» аз ҳисоби масъулини соҳаҳои илм, тандурустӣ, фарҳанг, шуъбаи дин ва танзими анъана ва ҷашну маросимҳои миллӣ, Раёсати ҷавонон, варзиш ва сайёҳӣ ва Раёсати кор бо занон ва оилаи мақомоти иҷроияи ҳокимияти давлатии вилоят баромад намуда, доир ба фаъолияти гурӯҳҳо дар ҳудуди ноҳия ибрози назар намуданд.

Комрони БАХТИЁР,
«Хатлон»



Шарҳи хонандагон +

Матолиби дигар:

«Корвони маърифат» ба роҳ баромад

«Корвони маърифат» ба роҳ баромад

Хабарҳо, Ҳокимияти давлатӣ, АСАЛМО САФАРОВА, ИСМАТУЛЛО ҲАСАНОВ
Вакилон Паёмро шарҳ медиҳанд

Вакилон Паёмро шарҳ медиҳанд

Хабарҳо, Ҳокимияти давлатӣ, ИСМАТУЛЛО ҲАСАНОВ
«Корвони Маърифат» аз ноҳияи Абдураҳмони Ҷомӣ шурӯъ мешавад

«Корвони Маърифат» аз ноҳияи Абдураҳмони Ҷомӣ шурӯъ мешавад

Хабарҳо, Ҳокимияти давлатӣ, Фарҳанг ва адабиёт, ҲАНГОМА ПАҲЛАВОНОВА
Вохӯрии вакилон бо устодону донишҷӯён

Вохӯрии вакилон бо устодону донишҷӯён

Хабарҳо, Мақомоти иҷроияи ҳокимияти давлатӣ, КОМРОНИ БАХТИЁР
Паёмро меомӯзем ва дар ҳаёт татбиқ мекунем

Паёмро меомӯзем ва дар ҳаёт татбиқ мекунем

Хабарҳо, Мақомоти иҷроияи ҳокимияти давлатӣ, КОМРОНИ БАХТИЁР