Мефахрам, ки пис арам сарбоз аст

Хизмат ба Ватан-модар ва ҳифзи марзу буми он қарзи шаҳрвандии ҳар як шахс мебошад. Аз ин хотир, маҳз ҷавонони далеру ҷасури бонангу номуси тоҷик баҳри ҳифзи Ватан-модари худ камари ҳиммат баста, қарзи фарзандии хешро сарбаландона адо менамоянд.

Мо - волидайн ҳам бо як боварӣ фарзандонамонро ба сафи Қувваҳои Мусаллаҳ гусел мекунем. Дар замони соҳибистиқлолӣ бо дастгирии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ, генерали артиш муҳтарам Эмомалӣ Раҳмон шароити хуб барои хизмати афсарону аскарон муҳайё гардид. Ҳамин аст, ки имрӯз ҷавонмардон ихтиёрӣ ба хизмати аскарӣ рафта истодаанд.

Наваскароне, ки бо хоҳиши худ ба ин мактаби мардонагӣ сафарбар мегарданд, хеле зиёданд. Ҷавонон дарк карданд, ки ояндаи давлату миллат аз онҳо вобаста аст. 

Фарзандам ҳоло дар сафи Қувваҳои Мусаллаҳи кишвар адои хизмат намуда истодааст, ки аз ин мефахрам. Хизматаш хуб буда, аз ҳолу аҳволаш пайваста хабардор мешавем. Фарзандамро соли 2022 барои хизмати Ватан гусел кардам.

Фикр мекунам, ки на танҳо фарзанди ман, балки фарзандони зиёди миллати тоҷик бо масъулияти баланд барои ҳифзи Ватан қарзи ҷавонмардии хешро иҷро мекунанд.

Ҷавонони мо дар шароити хуб хизмат мекунанд, обутоб меёбанд. Ҳамчун модари тоҷик насиҳат менамоям, ки ба Ватан-модар хизмат кунед.

Миннатдории худро ба ҳамаи ҷавонмардон, ҳомиён, ки ватанро ҳифз мекунанд, рӯзгори осудаи моро таъмин менамояд, аз самими қалб, аз номи тамоми занону модарон баён менамоям. Аҳсан ба шумо, сарбозони далери Ватан!

Шаҳло САДРИДДИНОВА,
сокини шаҳри Кӯлоб, модари сарбо