Дар Кӯлоб 637 иншооти ҷашнӣ бунёд гардидааст

Ба муносибати 30-солагии Истиқлолияти давлатӣ дар шаҳри Кӯлоб бунёду азнавсозии 873 иншооти таъиноти гуногун ба нақша гирифта шудааст.

Ба иттилои дафтари матбуотии шаҳрдори Кӯлоб, то ин замон 637 иншооти ҷашнӣ бунёд ва мавриди баҳрабардорӣ қарор гирифтааст. Дар ин миён корхонаю коргоҳҳои истеҳсолӣ, муассисаҳои таълимӣ, бунгоҳҳои тиббӣ, иншооти хизматрасонии маишӣ, ҳаммому сартарошхонаҳо, биноҳои фарҳангӣ, толору майдонҳои варзишӣ, биноҳои маъмурӣ бунёд гардидаанд. Айни ҳол панҷ гурӯҳи корӣ ҷараёни корҳои омодагӣ ба таҷлили сазовори ҷашни умумимиллиро дар шаҳри Кӯлоб ҳамоҳанг мекунанд ва ҳар моҳ ба мақомоти иҷроияи ҳокимияти давлатии шаҳр ҳисобот пешниҳод месозанд.