Эмомалӣ Раҳмон ва Соли байналмилалии ҳифзи пиряхҳо – 2025
Солномаи Пешвои миллат бо номи “Эмомалӣ Раҳмон ва Соли байналмилалии ҳифзи пиряхҳо – 2025” дар...
5-02-2026, 11:34
БОЗДИДИ РАИСИ ВИЛОЯТИ ХАТЛОН АЗ МАРКАЗИ САЛОМАТӢ ПАС АЗ ТАЪМИРУ АЗНАВСОЗӢ ДАР НОҲИЯИ ШАҲРИТУС
Имрӯз, 8 апрел, раиси вилояти Хатлон Давлаталӣ Саид ва муовини Сарвазири мамлакат Сулаймон Зиёзода дар ноҳияи Шаҳритус аз Маркази саломатии деҳотӣ, воқеъ дар деҳаи Сайёд, баъди анҷоми корҳои таъмиру азнавсозӣ боздид намуданд.
Зимни боздид раиси вилоят бо шароити фароҳамгардидаи муассисаи тиббӣ аз наздик шинос гардида, ба сифати корҳои анҷомёфта баҳои баланд доданд. Таъкид гардид, ки беҳтар намудани инфрасохтори соҳаи тандурустӣ ва фароҳам овардани шароити муосир барои хизматрасонии тиббӣ аз самтҳои муҳими сиёсати иҷтимоии давлат ба ҳисоб меравад.
Тавре иттилоъ дода шуд, азнавсозии пурраи маркази саломатӣ бо дастгирии Гурӯҳи татбиқи лоиҳаи инкишофи барвақтии кӯдакон барои густариши сармояи инсонӣ дар Тоҷикистон — Вазорати молияи Ҷумҳурии Тоҷикистон амалӣ гардида, барои ин мақсад 670 ҳазор сомонӣ маблағ равона шудааст.
Қайд гардид, ки корҳои сохтмонӣ аз ҷониби ҶДММ «Таъмин иншоот» бо риояи талаботи муосири сохтмонӣ анҷом дода шуда, муассиса пурра таъмиру навсозӣ гардидааст. Дар натиҷа, барои пешниҳоди хизматрасонии босифати тиббӣ ба аҳолӣ шароити мусоид фароҳам оварда шудааст.
Раиси вилояти Хатлон зимни суҳбат бо масъулин ва кормандони соҳаи тандурустӣ таъкид намуданд, ки истифодаи самараноки чунин имкониятҳо ва нигоҳдории дурусти иншоот барои беҳтар намудани сатҳи хизматрасонии тиббӣ аҳамияти муҳим дорад.
Дар маҷмӯъ, азнавсозии маркази саломатии деҳотӣ дар деҳаи Сайёд ба беҳтар гардидани дастрасии аҳолӣ ба хизматрасониҳои тиббӣ, хусусан барои кӯдакон ва модарон, мусоидат намуда, як қадами муҳим дар роҳи рушди соҳаи тандурустии минтақа ба ҳисоб меравад.
Рамазони МИРЗОМИДДИН, "Хатлон"
Дигар хабарҳо
-
5-02-2026, 11:34
-
21-12-2021, 12:16
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» 21.12.2021 13:10, шаҳри Душанбе
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
-
23-12-2021, 16:14
Соли вусъати корҳои ободониву созандагӣ
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
-
13-07-2021, 03:29
МАЪРӮЗАИ Раиси Кумитаи телевизион ва радиои назди Ҳукумати Ҷумҳурии Тоҷикистоноид ба ҷамъбасти натиҷаҳои фаъолият Кумитаи телевизион ва радиои назди Ҳукумати ҶТ
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
-
9-03-2024, 16:45
Суханронӣ дар мулоқот бо фаъолон, намояндагони ҷомеа ва ходимони дини кишвар
Ҳамватанони азиз!Муҳтарам фаъолону намояндагони ҷомеа ва ходимони дин!...
