86,2%-и маблағи буҷети вилоят ба соҳаи иҷтимоӣ равона гардидааст

- Хароҷоти маблағҳои буҷети маҳаллӣ дар доираи иҷрои воқеии буҷет ба роҳ монда шуда, ба соҳаҳо фаъолияти хоҷагии мардуми вилоят бо назардошти маблағҳои мақсадноки ҷумҳуриявӣ 2454,6 млн. сомонӣ равона карда шудааст, ки 99%-и нақшаи хароҷоти буҷети маҳаллии вилоятро дар соли 2022 ташкил медиҳад, - таъкид дошт Ҳабибулло Иззатуллозода, сардори Сарраёсати молияи вилоят зимни нишастӣ матбуотӣ.

Дар идома сардори Сарраёсати молияи вилоят зикр дошт, ки лозим ба ёдоварист, ки 2116,6 млн. сомонӣ ё ки 86,2%-и маблағи буҷети вилоят ба соҳаи иҷтимоӣ равона гардидааст.

Зини нишаст иттилоъ дода шуд, ки барои пардохти фонди музди меҳнат ва дигар моддаҳои ҳимояшаванда аз ҳисоби буҷетҳои маҳаллӣ вобаста ба воридоти маблағҳои даромад дар соли 2022-ум 1997,8 млн. сомонӣ равона гардидааст, ки 81,3%-и хароҷоти пешбинишударо дар бар мегирад.

Ҷасури Қиёмиддин, "Хатлон"