Дар як сатр
» » «Хурмои эътиқод»-и Озар ба чоп расид

«Хурмои эътиқод»-и Озар ба чоп расид

31-01-2015, 14:32

«Хурмои эътиқод»-и Озар ба чоп расид«Хурмои эътиқод». Бо чунин ном маҷмӯаи нави ашъори шоири хушноми хатлонӣ Озар дар нашриёти «Адиб»-и шаҳри Дӯшанбе бо теъдоди ҳазор нусха рӯйи чоп омад.

«Озар бо табъи равону нигоҳи ҷӯяндаи худ аз рӯзҳои аввали ба адабиёт ворид шуданаш чеҳраи мушаххас дошт ва имрӯз ҳам роҷеъ ба роҳу равиши вижагиҳои шеъраш батафсил метавон ибрози андеша кард. Озар аслан шоирест, ки аз ҳар чизи хурду бузург метавонад шеъри зебое биофарад. Ҳунари шоирияш дар тамоми ашъораш аксандоз аст. Ӯ аз таъриху адабиёт ва фалсафаву асотири мардуми форсизабон огоҳии лозим дораду дар шеъраш аз ин заминаҳо хуб истифода мекунад. Дар лобалои ашъори ин суханвар ҳам анвои маъмулии шеъри қадими мо ва ҳам қолабҳои нав ба назар мерасанд, ки ҳамаи онҳоро ба ваҷҳи аҳсан офаридааст. Аммо дар миёни ин ҳама анвои шеър Озар гароиши бештар ба ғазал дорад. Ғазалҳои ӯ дар вазну мавзӯъҳои гуногун суруда шудаанд ва аксар ҳунармандонаанд. Ӯ дар офариниши ғазал чун дигар анвои шеър ба ҳунар такя мекунад ва мекӯшад, ки ҳамеша сухани наву шоирона бигӯяд», - омадааст дар сарсухани маҷмӯаи «Хурмои эътиқод».

Миралӣ Салимов, тахаллуси адабиаш Озар, масъулияти раисии бахши Иттифоқи нависандагони Тоҷикистон дар минтақаи Қӯрғонтеппаи вилояти Хатлонро ба уҳда дошта, муаллифи маҷмӯаҳои шеърии «Намози бедорӣ», «Як саҷда гул», «Сарви дуо», «Ирфони ҳино» ва «Гуфтугӯи нахлу моҳ» мебошад.

Ҳангомаи ИСМАТ


Шарҳи хонандагон +

Матолиби дигар:

«Садоқат»-и Нуралӣ Аюбӣ рӯйи чоп омад

«Садоқат»-и Нуралӣ Аюбӣ рӯйи чоп омад

Фарҳанг ва адабиёт, Хабарҳо, ҲАНГОМА ПАҲЛАВОНОВА
Эй баҳори қадами тоза, биё...

Эй баҳори қадами тоза, биё...

Фарҳанг ва адабиёт, Маориф ва илм, ҲАНГОМА ПАҲЛАВОНОВА
«Дараи ҷӯй» рӯйи чоп омад

«Дараи ҷӯй» рӯйи чоп омад

Фарҳанг ва адабиёт, Хабарҳо
«Тоҷикистон Ватани Наврӯз аст» - ҳадяи Муҳаммад Ғоиб ба наврасони Тоҷикисто ...

«Тоҷикистон Ватани Наврӯз аст» - ҳадяи Муҳаммад Ғоиб ба наврасони Тоҷикисто ...

Фарҳанг ва адабиёт, Хабарҳо, ҲАНГОМА ПАҲЛАВОНОВА
Дар ин фасли зимистон аз Худои хеш мехоҳам…

Дар ин фасли зимистон аз Худои хеш мехоҳам…

Фарҳанг ва адабиёт, ҲАНГОМА ПАҲЛАВОНОВА