Дар як сатр
» » Волидайни гулдастам маро гулпарвар карданд

Волидайни гулдастам маро гулпарвар карданд

4-04-2018, 16:07

Абдуғаффор Машрабов зодаи шаҳри Бохтар аст. Шуғли гулпарвариро аз падару модари гулдӯсту гулпарвараш омӯхтааст. Ӯ мегӯяд, ки волидайни азизаш низ ҳар субҳро бо бӯйидани атри гулҳои парваридаашон оғоз мекарданд.

 - Замони наврасӣ, вақте муҳаббати онҳоро ба гулҳо медидам, ҳайрон мемондам ва бехабар аз он будам, ки замоне мерасаду ман низ гулҳоро чун фарзандонам дӯст медорам, - меафзояд акаи Абдуғаффор.

Абдуғаффор 54 сол дорад, аммо ёд надорад, ки аз кай ба парвариши гулҳо шурӯъ кардааст. Аз қиссаи ӯ бармеояд, ки ҳанӯз аз замони ба кӯдакистон рафтанаш ҳамроҳи бародару хоҳарон даври модару падар дар шинонидани гулҳо кумак мерасониданд. Аниқтараш, умри 54-солаи ӯ бо умри шуғлаш баробар аст. Тухми гулҳои парваридаи ӯ бештар  аз кишварҳои Русия ва Ӯзбекистон дастрас мешаванд.

Абдуғаффор Машрабов борҳо дар намоиши гулҳо ширкат варзидааст ва гулҳои парваридааш дар хиёбону маҷмааи Ваҳдат ва дигар гулгаштҳои шаҳри Бохтар ба ҳусни шаҳр зебоӣ зам менамояд. Имсол ӯ тасмим гирифт, ки дар арафаи ҷашни Наврӯзи Аҷам зиёда аз ҳазор гули ороиширо барои зеббахшӣ дар роҳрави маҳаллаи Ҳоҷӣ Шариф ба намоиш гузорад.

Дар оилаи Абдуғаффор Машрабов аллакай насли сеюми гулпарварон ба ин шуғл шурӯъ кардааст. Ин шуғл аз ҷониби падари ӯ аз соли 1957 оғоз ёфтааст. Фарзанди ӯ низ ба мисли бобою падар шавқи гулпарвариро дорад. Дар ҳамсоягии акаи Абдуғаффор бародараш низ ба гулпарварӣ машғул аст. Ба қавли акаи Абдуғаффор, бо бародар ҳамшуғл будан хуб аст, зеро дар ҳолати ба миҷозон гули хостаашонро дода натавонистан зуд бародар хоҳиши онҳоро бароварда месозад. «Бо ин роҳ ҳам мо хурсанд мешавем ва ҳам мизоҷонамон», - мегӯяд Абдуғаффор.

Даромади оилаи онҳо аз ҳисоби гулҳои парваридаашон мебошад. Дар баробари гулпарварӣ Абдуғаффор ба парвариши қулфинай низ машғул аст. Хуллас, истифодаи самарабахшу оқилонаи замин инсонро метавонад соҳибному соҳибмақом гардонад ва зиндагиашро осудаву аз ҳама лиҳоз таъмин созад.

 

Ҳангомаи Исмат,

«Хатлон»



Шарҳи хонандагон +

Матолиби дигар:

ИСТЕҲСОЛИ ЛИМӮ БАРЗИЁД ИҶРО ГАРДИД

ИСТЕҲСОЛИ ЛИМӮ БАРЗИЁД ИҶРО ГАРДИД

Иқтисоду тиҷорат
Дунёи туро ёд орам, модар!

Дунёи туро ёд орам, модар!

Хабарҳо, Фарҳанг ва адабиёт
Омодагӣ ба таҷлили Рӯзи Ваҳдат

Омодагӣ ба таҷлили Рӯзи Ваҳдат

Хабарҳо, Ҳокимияти давлатӣ, Ҳаёти иҷтимоӣ, НОСИРҶОН МАЪМУРЗОДА
Парвариши 6 навъи лолаҳои ҳолландӣ дар Қӯрғонтеппа

Парвариши 6 навъи лолаҳои ҳолландӣ дар Қӯрғонтеппа

Хабарҳо, Тандурустӣ ва экология, НОСИРҶОН МАЪМУРЗОДА
Ифтитоҳи коллеҷи милитсия дар Кӯлоб

Ифтитоҳи коллеҷи милитсия дар Кӯлоб

Хабарҳо, Ҷавонон ва варзиш, НОСИРҶОН МАЪМУРЗОДА