Дар як сатр
» » Парчам ифодагари соҳибистиқлолии Ҷумҳурии Тоҷикистон

Парчам ифодагари соҳибистиқлолии Ҷумҳурии Тоҷикистон

24-11-2017, 12:06

Парчам ифодагари соҳибистиқлолии Ҷумҳурии Тоҷикистон

Парчам дар радифи Нишон ва Суруди миллӣ барои ҳар як кишвари соҳибистиқлол чун рамзи давлатӣ ва муқаддасоти миллӣ эътироф карда шудааст. Аз ин нигоҳ эҳтироми волои рамзҳои давлатӣ ногузир аст ва бояд тавре ба онҳо муносибат намуд, ки нисбаташон беҳурматӣ зоҳир нагардад. Зеро рамзҳои давлатӣ таҷассумгари мазмуну моҳияти давлат, таъриху фарҳанги халқ, арзишҳои миллию ҷуғрофии кишвар мебошанд. Парчам ҳанўз аз замонҳои хеле қадим рамзи давлатдорӣ, шукўҳу ифтихор ва нангу номус будааст.

Хушбахтона, бо шарофати истиқлолияти давлатӣ тоҷикон соҳиби Парчами миллӣ, яъне таҷассумгари гузаштаи шоён ва ояндаи дурахшони тоҷикон гардиданд.
Парчами давлатии Ҷумҳурии Тоҷикистон бо мазмуну моҳияти нав чун рамзи истиқлолияти Ҷумҳурии Тоҷикистон дар марҳилае таҳия ва қабул шуд, ки кишвари Тоҷикистонро оташи ҷанги шаҳрвандӣ фаро гирифта буд ва миллат ба қисматҳо тақсим шуда буд. Дар чунин раванди мураккабу ҳассос Парчами давлатии Ҷумҳурии Тоҷикистон қабул гардид, ки роҳбари тозаинтихоби кишвар бо бўсидану ба дидаҳо гузоштани парчами давлатӣ қадами нахустинро таҳти парчами кишвари тозаистиқлол, дар як саф қарор додани тарафҳои даргир баҳри ободии ватану сарҷамъии миллат гузошт, ки мояи ифтихору сарфарозӣ ва рамзи шоистаи ватандорӣ мебошад.

Конститутсияи Ҷумҳурии Тоҷикистон аз 6 ноябри соли 1994 Парчамро ҳамчун рамзи давлатӣ ва рукни асосии муқаддасоти миллӣ пазируфт (моддаи 30 ва таҳти ҳимояи қонун қарор доштанашро ногузир дониста, онро дар боби аввал “Асосҳои сохтори конститутсионии кишвар” ҷой дод.

Парчами миллӣ имрўз чун рамзи давлатдории тоҷикон дар тамоми идораҳои давлатӣ, маъмурӣ, корхонаву муассиса, мактабу таълимгоҳҳо, майдонҳои варзишӣ, ҳуҷраҳои корӣ ва хонаҳои шаҳрвандон мавҷуд аст. Ба ҷой овардани эҳтиром нисбати Парчами миллӣ қарзи ҳар як шаҳрванд аст, зеро Парчам як рамзи хосаи истиқлолият, ватандорӣ, соҳибдавлатӣ ва рамзи ҳастии миллат аст.

Парчами давлатӣ барои мо тоҷикон нишонаи бақои миллат, давлату Ватан, ваҳдати миллӣ, ҳувияти миллӣ ва беҳтарин василаи тарбияи насли наврасу ҷавон дар рўҳияи ифтихори миллӣ ва ҳифзи арзишҳои волои таърихиву фарҳангии халқамон мебошад.

Имрўз моро мебояд, ки аз Парчами миллии худ ифтихори тамом дошта бошем, эҳтироми онро ҳамчун нишонаи давлатдории миллӣ, озодӣ ва истиқлолияти Ватан, чун сарвати гаронбаҳои умумимиллӣ ба ҷо орем, қадру манзалат ва нақшу эътибори онро ба фарзандҳои худ ва ҷавонону наврасон талқин намоем.

Алишер РАФИҚЗОДА,
судяи суди ҳарбии гарнизони Хатлон



Шарҳи хонандагон +

Матолиби дигар:

Парчами миллӣ рамзи иқболу истиқлоли мардуми мост

Парчами миллӣ рамзи иқболу истиқлоли мардуми мост

Хабарҳо, ҲАНГОМА ПАҲЛАВОНОВА
Парчам яке аз муқаддасоти миллист

Парчам яке аз муқаддасоти миллист

Хабарҳо, Номаҳои Шумо
«Парчами давлатӣ нишонаи ҷоннисориҳои халқи тоҷик барои озодиву истиқлол ас ...

«Парчами давлатӣ нишонаи ҷоннисориҳои халқи тоҷик барои озодиву истиқлол ас ...

Хабарҳо, Ҳокимияти давлатӣ
Эҳтироми Парчам эҳтиром ба давлату миллат аст

Эҳтироми Парчам эҳтиром ба давлату миллат аст

Сиёсат, Хабарҳо
Ҷавонони ДДҚ -  парчамбардорони давлат

Ҷавонони ДДҚ - парчамбардорони давлат

Хабарҳо, Ҷавонон ва варзиш, АМОН МАҲКАМОВ