Дар як сатр
» » Рӯ ба рӯ бо мардум

Рӯ ба рӯ бо мардум

6-09-2017, 15:58

Рӯ ба рӯ бо мардум


Дар ноҳияи Мир Сайид Алии Ҳамадонӣ раиси вилоят Давлатшоҳ Гулмаҳмадзода қабули шаҳрвандон ва вохӯрӣ бо фаъолони ноҳияро гузаронид.

Дар суҳбати рӯ ба рӯ бо раис сокинони ноҳия Тағоймурод Мирзоев, Моҳбону Нурова, Ҳайдар Зуҳуров, Абдулмаҷид Аюбов доир ба масъалаҳои марбут ба тармиму таъмири роҳҳои нақлиётӣ, идома бахшидан ба сохтмони нотамоми мактаб, ҷудо намудани қитъаи замин барои манзили иқоматӣ ва ғайраҳо арзи дил намуданд.

Доир ба ҳал намудани мушкилоти ҷудо кардани қитъаи замин барои сохтмони манзили зист ва васеъ кардани ҳудуди қабристон сокини деҳаи Сафедоби Ҷамоати деҳоти «Панҷрӯд» Нодир Каримов арз кард. ӯ худро намояндаи якчанд деҳот муаррифӣ намуда, барои дархости онҳоро ба раиси вилоят расонидан ба вохӯрӣ ташриф овардааст.

Ба ақидаи ӯ, муддати 15-20 соли охир аҳолии деҳаҳо пайваста зиёд гардида, дар як дафтари хоҷагӣ то чор-панҷ оила зиндагӣ мекунанд. Надоштани манзили зист барои бисёр оилаҳои ҷавон сабаби хонавайронии онҳо мегардад.

Раиси вилоят, узви Маҷлиси миллии Маҷлиси Олии Ҷумҳурии Тоҷикистон Давлатшоҳ Гулмаҳмадзода дар иртибот ба дархости сокинони ноҳияи Мир Сайид Алии Ҳамадонӣ масъулини соҳаҳои дахлдори вилоятро муваззаф намуд, ки дар доираи қонунҳои амалкунанда арзу шикояти заҳматкашон сари вақт ҳаллу фасл гардад.

Сипас, раиси вилоят доир ба Паёми навбатии Роҳбари давлат ба Маҷлиси Олии Ҷумҳурии Тоҷикистон, ҳамчунин оид ба ворид гаштани тағйиру иловаҳо, ба Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” изҳори назар намуда, таъкид дошт, ки ҳадафи роҳбарияти Ҳукумати Ҷумҳурии Тоҷикистон, пеш аз ҳама, баланд бардоштани некуаҳволии шаҳрвандони ҷумҳурӣ мебошад. Тавре ки Давлатшоҳ Гулмаҳмадзода дар мулоқот таъкид дошт, даҳ соли амали қонуни мазкур имкон фароҳам овард, ки шаҳрвандон аз тӯйю маъракаҳои пурдабдаба даст кашида, маблағҳои зиёдеро барои ободии хонадон ва таълиму тадриси фарзандон равона созанд. Ин имкон медиҳад, ки сокинони ватани азизамон зиндагии шоистаро соҳиб гарданд. “Боиси хушнудист, ки,- ироа дошт роҳбари вилоят, ба Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” тағйиру иловаҳо ворид гардид. Дар ин самт пешниҳо-ди тамоми табақаҳои гуногуни ватани азизамон ба инобат гирифта шуд ва минбаъд риояи Қонуни мазкур барои ҳамагон ҳатмист. Зеро ҳамагон хуб медонанд, ки гузаронидани маъракаҳои “се”, «чил», «сол», умуман маъракаҳои дафну азодорӣ барои аҳолӣ вазниниҳои зиёдеро пеш меовард.

Инак, қабули тағйиру иловаҳо ва Қонуни мазкур имкон медиҳад, ки шаҳрвандон аз харҷҳои беҳуда худдорӣ намоянду баҳри баланд гардидани сатҳи иқтисодии хонадонашон кушиш ба харҷ диҳанд”. Ҳамин тавр, узви Маҷлиси миллии Маҷлиси Олии ҶТ Давлатшоҳ Гулмаҳмадзода доир ба тағйиру иловаҳо ба моддаҳои 41, 51,7, 9, 11, 12, 14, 141,15-и Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” изҳори назар намуда, таъкид дошт, ки сокинони ноҳияи Мир Сайид Алии Ҳамадонӣ муқаррароти қонуни мазкурро шиори амали ҳаррӯзаи хеш намуда, саҳми муносиби хешро дар ободонии хона, кӯча, маҳал ва ноҳия мегузоранд.

Раиси вилоят дар фарҷоми вохӯрӣ сокинони ноҳияро ба муносибати ҷашни 26-умин солгарди Истиқлолияти давлатии Ҷумҳурии Тоҷикистон табрик гуфта, барояшон барору комёбӣ таманно намуд.

Ғайбулло ҲАЛИМОВ,
“Хатлон”



Шарҳи хонандагон +

Матолиби дигар:

Балҷувон. Қабули сайёри шаҳрвандон аз ҷониби раиси вилоят

Балҷувон. Қабули сайёри шаҳрвандон аз ҷониби раиси вилоят

Хабарҳо, Ҳокимияти давлатӣ, Ҳаёти иҷтимоӣ
Таклиф мекунам, ки…

Таклиф мекунам, ки…

Хабарҳо, Номаҳои Шумо
Қонуни танзим аз исроф пешгирӣ ва шахсони камбизоатро дастгирӣ кард

Қонуни танзим аз исроф пешгирӣ ва шахсони камбизоатро дастгирӣ кард

Хабарҳо, Ҳокимияти давлатӣ, Ҳаёти иҷтимоӣ
Қабули шаҳрвандон дар ноҳияи Панҷ

Қабули шаҳрвандон дар ноҳияи Панҷ

Хабарҳо, Ҳокимияти давлатӣ, Ҳаёти иҷтимоӣ, АСАЛМО САФАРОВА
Д. Гулмаҳмадзода: «Бо ҷалби соҳибкорон корхонаҳои саноатӣ бунёд намуда, ҷой ...

Д. Гулмаҳмадзода: «Бо ҷалби соҳибкорон корхонаҳои саноатӣ бунёд намуда, ҷой ...

Хабарҳо, Ҳокимияти давлатӣ, АСАЛМО САФАРОВА