Дар як сатр
» » «Корвони маърифат»-ро хуш истиқбол гирифтанд

«Корвони маърифат»-ро хуш истиқбол гирифтанд

22-06-2017, 11:24

«Корвони маърифат»-ро хуш истиқбол гирифтанд


«Корвони маърифат» ба истиқболи ҷашни Ваҳдат роҳи хешро идома бахшида, рӯ ба ҷониби ноҳияи Ховалинг овард.

Дар воқеъ, дар ҳар қадам мо самараи Ваҳдати миллиро бо чашм медидем. Роҳҳои сахту ноҳамворро роҳҳои тахту мумфарши мутобиқ бо меъёрҳои байналмилалӣ иваз намуда, мушкилоти мусофирону ронандагон роҳи ҳалли хешро дарёфта буд.

Воқеан, ронандагон бо як фараҳмандӣ беш аз 250 км роҳро аз маркази вилоят то ба ноҳияи Ховалинг дар як муддати хело кутоҳ сипарӣ намуданд. Маркази ноҳия низ аз самараи Ваҳдати миллӣ бакуллӣ тағйир ёфта, биноҳои серошёна қомат афрохта, гулгашту хиёбонҳои сабзи гулпӯш, фаввораҳо ба ҳусни ин мавзеи таърихӣ ҳусн зам намуда, диққати ҳамагонро ба хеш ҷалб менамуд.

Воқеан, ҳар нафаре сафари ин мавзеи афсонавӣ намуда бошад, кӯшиш менамояд, ки бори дигар аз ин гӯшаи зебою афсонавӣ ва хушбоду ҳавои Ватани азизамон Тоҷикистон дидан намояд.

Чорабиниҳои фарҳангию сиёсӣ, маҳфилҳои адабӣ бо ташаббуси аҳли «Корвони маърифат» дар ҳудуди ҷамоатҳои деҳоти ноҳия баргузор гашт.

Тавре ки аз сарчашмаҳои таърихӣ пайдост, Ховалинг қадимтарин мавзеи Тоҷикистон ва умуман Осиёи Марказӣ ба шумор рафта, таърихи 950-ҳазорсоларо дорост. Мардуми меҳмоннавозу меҳрубон ва дорои фарҳанги баланди ноҳияи Ховалинг, ки ҳунари аҷдодии хешро то ба имрӯз маҳфуз доштаанд, маҳсули дастони муъҷизаофари хешро пешкаши ҳаводорон намуда, чорабиниҳои «Корвони маърифат»-ро шукӯҳу шаҳомати хоса бахшиданд.

Дараи Мухтор, зодгоҳи Қаҳрамони халқи тоҷик Восеъ, дар ҳудуди Ҷамоати деҳоти «Ҷомбахт» дар масофаи 5 км дуртар аз маркази ноҳияи Ховалинг ҷойгир шудааст. Ин мавзеъ бо табиати афсункору дилфиреб, олами набототаш қалби ҳар як бинандаро тасхир менамояд. Дар ин дара низ ободкориҳои зиёде ба чашм мерасад, ки аз самараи Ваҳдати миллӣ дарак медиҳад.

Мамнӯъгоҳи таърихию фарҳангии Султон увайси Қаранӣ, ки ихлосмандони зиёде дорад, бо иқдоми неки Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон симои хешро ба куллӣ дигар намудааст. Табиати нотак-рору мақбараи аз нав эъморшуда бо гумбазҳои тиллоӣ, роҳравҳои зебо, ки бо дастгирии бевоситаи Президенти Ҷумҳурии Тоҷикистон Эмомалӣ Раҳмон бунёд шудааст, қалби бинандаро шоду масрур менамояд.

Нӯшидани оби чашмаҳои нуқрафому шифобахши Ҳикмат, Мағфират, Раҳмат, Мурод ва Шифо ба кас ҳаловат мебахшад. Мо-аъзои «Корвони маърифат» низ аз ин чашмаҳои мусаффо об нӯшида, аз Парвардигори муттаол, бароварандаи кулли муроди бандагон, таманно намудем, ки Ваҳдати миллиро дар Тоҷикистони азиз поянда дорад.

«Корвони маърифат»-ро хуш истиқбол гирифтанд

«Корвони маърифат»-ро сокинони ноҳияи Муъминобод низ бо омодагиҳо пазироӣ намуданд.

Дар баробари баргузории чорабиниҳои гуногун бонувону модарони зебопарасту покрӯзгор ба бар либосҳои зебою шинами миллӣ, аз ҷумла чакану гулбаст, адрасу атлас роҳпаймоӣ намуда, ба чорабиниҳо ҳусни дигар зам намуданд. Ин гӯшаи биҳиштосои Ватани азиз низ ба шарофати Ваҳдати миллӣ сарсабзу хуррам гардида, дар ҳар қадам рушду нумӯъ ёфта, сокинонаш ба якдилӣ ва меҳнати арзанда машғуланд.
«Корвони маърифат»-ро хуш истиқбол гирифтанд

«Идеали сиёсии мо Ваҳдати миллӣ, муттаҳидию ягонагӣ, дӯстию бародарӣ ва пешрафти Ватани азизамон мебошад»,- таъкид медорад Президенти ҷумҳурии азизамон Эмомалӣ Раҳмон. Ва барҳақ ҳангоми сафари «Корвони маърифат» бори дигар эҳсос намудам, ки Ваҳдату муттаҳидию ягонагӣ, дӯстӣ мардуми тоҷику тоҷикистониро ба қуллаҳои баланди ҳаёт - зиндагии шоиста роҳнамун месозад.

«Корвони маърифат»-ро сокинони шаҳри Кӯлоб пазироӣ намуданд.

Воқеан, Кӯлоби бостонӣ ба таҷлили 20-умин солгарди Ваҳдати миллӣ беш аз пеш ободу хуррам гашта буд. Чаканпӯшони зебопараст ба ҳусни ин гӯшаи Ватан ҳусни тоза бахшиданд. Чорабиниҳои хотирмон дар ҳар гӯшаву канори Кӯлоб сурат гирифт. Аксияҳои иттилоотӣ, маҳфилҳои эҷодӣ, фарҳангӣ мулоқоту вохӯриҳои гуногун, аз ҷумла намоишномаи ҳунармандони театри ба номи Сайдалӣ Вализодаро тамошобинон ашкрезон тамошо карданд.

Зеро рӯйи саҳна солҳои мудҳиши ҷанги таҳмилӣ, беқадрии инсону нақзи ҳуқуқу озодиашон, парешонию анқариб ба коми нестӣ рафтани миллати тоҷик, оҳу фиғони модарон, марги садҳо ҷавонону дӯстдорони ба висолнарасида ва қалби хунчакони падарон пеши назар ҷилвагар гардида, ба қалбҳо нохун мезад. Ва ин намоишнома бори дигар ҳамагонро водор месозад, ки назаре ба гузаштаи начандон дури таърих андозанду ба қадри Ваҳдати миллӣ расанд, Ватанро чун гавҳараки чашм дӯст доранд ва муҳим аз ҳама, бар зидди ҳамагуна зуҳуроти номатлуб муборизаи беамон бурдан вазифаи ҷонии ҳар як фарди ҷомеаи имрӯза ба шумор меравад.

ВАХШОНА,
«Хатлон»



Шарҳи хонандагон +

Матолиби дигар:

Сафари «Корвони маърифат» ба ноҳияҳои кӯҳистони минтақаи Кӯлоб

Сафари «Корвони маърифат» ба ноҳияҳои кӯҳистони минтақаи Кӯлоб

Хабарҳо, Ҳокимияти давлатӣ, Фарҳанг ва адабиёт, Ҷавонон ва варзиш, Маориф ва илм, Тандурустӣ ва экология
Фархор. «Корвони маърифат» ба истиқболи ваҳдат

Фархор. «Корвони маърифат» ба истиқболи ваҳдат

Хабарҳо, Ҳокимияти давлатӣ, Ҳаёти иҷтимоӣ, АСАЛМО САФАРОВА
«Корвони маърифат» дар Балҷувон

«Корвони маърифат» дар Балҷувон

Хабарҳо, Ҳокимияти давлатӣ, Ҳаёти иҷтимоӣ, АСАЛМО САФАРОВА
Корвони маърифат

Корвони маърифат

Хабарҳо, Ҳокимияти давлатӣ, Ҳаёти иҷтимоӣ, Фарҳанг ва адабиёт, Ҷавонон ва варзиш, НИЗОМИДДИН ИСОЕВ
Пазироии хуш аз «Корвони маърифат»

Пазироии хуш аз «Корвони маърифат»

Хабарҳо, Ҳокимияти давлатӣ, Ҳаёти иҷтимоӣ, Ҷавонон ва варзиш, АСАЛМО САФАРОВА