Дар як сатр
» » Мо ба ҳам омадем

Мо ба ҳам омадем

6-05-2017, 16:04

Мо ба ҳам омадем



Инак, 20 сол мешавад, ки мо-мардуми Тоҷикистон дар фазои сулҳу осоиш ва оғӯши гарму гуворои Ваҳдати миллии Тоҷикистони азизамон кору зиндагӣ дорем. Ваҳдати миллӣ дар радифи Истиқлолияти давлатӣ барои тоҷику тоҷикистониён сулҳу осоиш осон ба даст наомадааст. Дар ин бобат талошу ҷонбозиҳои ватандустонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон калон мебошад.

Ваҳдати миллӣ ба мо чӣ дод? Он пеш аз ҳама, моро ба ҳам овард. Якдигарнофаҳмию душмании қаблиро барҳам дод ва куллан решакан намуд. Ба ҷойи ниҳоли душманӣ дарахти дӯстӣ устуворона қад афрохт ва мо ҳосили онро имрӯз дидаву чашида истодаем. Пайдост, ки дар Тоҷикистони мо аз аввал чандин қавму миллат дӯстонаву муттафиқона кору зиндагӣ мекарданд. Ваҳдати миллӣ дар даврони истиқлолият дӯстии халқҳои гуногунмиллати маскуни Тоҷикистонро боз ҳам қавитару мустаҳкамтар гардонд. Ҳоло мо дасти ба даст пеш меравем ва дар якҷоягӣ ватани азизамонро боз ҳам ободтару шукуфотар месозем. Имрӯз мақсаду мароми ҳар як тоҷику тоҷикистонӣ ҳамин аст.

Бо кӯшиш ва ташаббуси инсонпарваронаи Президенти Ҷумҳурии Тоҷикистон Эмомалӣ Раҳмон дар айёми истиқлолият, хусусан, мавқеи зан дар ҷомеа ба пояҳои баланд бардошта шуд. Алҳол, дар идораю муассиса ва корхонаҳои мухталифи мамлакат, аз ҷумла дар вилоятамон садҳо, балки ҳазорон нафар занону духтарони хушбахту хушрӯзӣ кор мекунанд. Боз садҳову ҳазорон нафари занону духтарони дигар дар коллеҷу макотиби олии вилояту мамлакат дар пайи омӯзиши касбу ҳунар ва илму донишанд. Бидуни шубҳа, ҳар яки онҳо дар оянда дар ҷодаи ободии диёр саҳми арзандаи худро хоҳанд гузошт. Хушбахтию саодатмандӣ магар аз ин зиёд мешавад.

Дар коллеҷи тиббии мо наздики чор ҳазор нафар писарону духтарон аз ҳама гӯшаю канори вилоят ва берун аз он касби табибиро меомӯзанд. Онҳо дар ҳама корҳои ҷамъиятии дохили коллеҷ ва чорабиниҳои шаҳриву вилоятӣ дар якҷоягӣ бо донишҷӯёни дигар коллеҷу донишгоҳҳо фаъолона ширкат мекунанд. Ин барояшон манфиатбахш аст. Дар ҷараёни ҷашнгирии ҳар иду айём бо ҳамсолонашон аз коллеҷу макотиби олӣ шиносу ошно мегарданд. Пояҳои дӯстию рафоқаташонро мунтазам барқарору пойдор месозанд. Зеро ваҳдат аз дӯстӣ сарчашма мегирад.

Коллеҷи тиббии моро чӣ аз ҷиҳати теъдоди омӯзгорон ва чӣ шумораи донишҷӯён, асосан, занону духтарон ташкил медиҳанд. Онҳо ҳам дар кору таҳсил ва ҳам дар корҳои ҷамъиятӣ фаъолияти хубу доимӣ доранд. Аҳли коллеҷ ҳамагӣ мекӯшанд, ки баҳри ояндаи дурахшони ватан қадамҳои устувор ба пеш гузоранд ва бо дастгирӣ аз сиёсати хирадмандонаю ободгаронаи Президенти Ҷумҳурии Тоҷикистон муҳтарам Эмомалӣ Раҳмон онро дар амал ҷорӣ намоянд.

Тоҳир НАЗАРОВ,
мудири кафедраи асосҳои тиббӣ ҳамширагии коллеҷи тиббии шаҳри Қӯрғонтеппа,
Мижгон МАЛИКОВА,
омӯзгор



Шарҳи хонандагон +

Матолиби дигар:

Ҳифзи тартиботи ҷамъиятӣ салоҳияти мост

Ҳифзи тартиботи ҷамъиятӣ салоҳияти мост

Хабарҳо, Ҳуқуқу амният, Номаҳои Шумо
Роҳнамо ва оинаи зиндагии ҷавонон

Роҳнамо ва оинаи зиндагии ҷавонон

Хабарҳо, Ҷавонон ва варзиш, Номаҳои Шумо
Дар партави Паём. Сиёсати башардӯстонаи Пешвои миллат

Дар партави Паём. Сиёсати башардӯстонаи Пешвои миллат

Хабарҳо, Номаҳои Шумо
Оила- асоси зиндагӣ

Оила- асоси зиндагӣ

Ҳаёти иҷтимоӣ, Хабарҳо, Номаҳои Шумо
Эмомалӣ Раҳмон асосгузори сулҳу ваҳдати миллист

Эмомалӣ Раҳмон асосгузори сулҳу ваҳдати миллист

Сиёсат, Хабарҳо, ҲАНГОМА ПАҲЛАВОНОВА, КОМРОНИ БАХТИЁР