Дар як сатр
» » Пешвои миллат-ифтихори миллат

Пешвои миллат-ифтихори миллат

7-04-2017, 10:23

Пешвои миллат-ифтихори миллат

Донистани таърих ва огоҳ будан аз гузаштагони миллати хеш қарз ва вазифаи авалиндараҷаи ҳар як инсони ватандӯсту меҳнатқарин аст. Барои халқи мо дарк кардани он, ки мо кистем, аз куҷо омодаем, муҳим аст. Тамоми миллату халқиятҳои дунё аз рӯзи азал ба роҳнамоӣ ва пешвое ниёз доштанду доранд, ки онҳоро дар роҳи сулҳу субот ва расидан ба қуллаҳои баланди давлатдорӣ роҳнамоӣ намояд.

Дар таърихи навини тоҷикон нахустин бор баъди Исмоили Сомонӣ Нусратулло Махсум, Абдураҳим Ҳоҷибоев, Шириншо Шоҳтемур, Абдуқодир Муҳиддинов миллати мо соҳиби чунин ходими давлативу ватандӯст чун Эмомалӣ Раҳмон шуд, ки моро ба сӯи ҳадафи ниҳоӣ, ваҳдату ягонагӣ ва сулҳу беҳбудӣ роҳнамоӣ мекунад. Мо пешвое дорем, ки пайваста кӯшиш ба харҷ медиҳад, то ба халқи худ гузаштаи таърихиашро баргардонад. ӯ нафарест, ки дар рӯзҳои душвори фоҷиавӣ миллату давлатро маҳз дар чунин марҳилаи фоҷиавӣ, вақте ки низоъҳои байниминтақавӣ дар авҷ ва ҳама чиз хароб шуда буд, аз тарафи вакилон ба сардории давлат дар Иҷлосияи ғайринавбатии 16-уми Шӯрои Олии ҷумҳурӣ номзадии Эмомалӣ Раҳмон пешниҳод карда шуд. Ин гуна, ба истилоҳ «фидоиён», ки ҳаёти худро ба хатари ҳалокатбор андозанд, ҳатто дар байни нафароне, ки дар он замон даъвои ба мақоми волои Сарвари давлат расиданро дош-танд, ёфт нашуд. Боз як хусусияти хоси он давра ин буд, ки Эмомалӣ Раҳмон дар оғози кор дастгоҳи кормандонеро надошт, ки дар соҳаҳои сиёсӣ, иқтисодӣ ва фарҳангӣ ҳамкорӣ бо халқ ва давлатҳои ҳамсоя сатҳи баланди таҷрибаи корӣ дошта бошанд. Сарвари тозаинтихоб аз рӯзҳои аввал хуб мефаҳмид, ки бидуни ризоият ва ваҳдат ба мухолифини собиқ наметавон давлати ягона, устувор ва рушдёфтаи демокративу дунявӣ бунёд кард. Сарвари давлат бо хирадмандию фурӯтанӣ ва дардошноии хеш ба дилу дидаҳо ҷо гирифт ва дар роҳи бунёди пояи сулҳу ваҳдат муваффақ шуд. Дар тамоми коллективҳои меҳнатӣ, муассисаҳои илмӣ ва мактабҳои олӣ Президенти мардумии худро бо қалби пурмеҳр ва самимияти хоса интизорӣ мекашиданд ва хуш истиқболаш мекарданд. Ба ҳар гӯшаи ватан, ки сафар мекунад, аз қудумҳояш мардум сарфарозу он ҷо ба гулистон мубаддал мегардад. Зеро эътиқод ва эътимод доштан ба таърих, фарҳанг ва адабиёт такягоҳи устувори миллат ба шумор меравад. Маҳз эътимод ва устуворӣ дар вазифа, дӯст доштани ватан буд, ки Эмомалӣ Раҳмон ҷон ба каф гирифта, халқи тоҷикро ба ҷаҳониён муаррифӣ намуда, Тоҷикистонро сохт ва онро ба давлати орому осоишта ва пешрафта табдил дод. Пешвои мо чун офтоби дурахшон дар кишвари тоҷикон нурафшонӣ намуда, ифтихори мо мебошад. Мо фарҳанги беназир дорем ва вориси тамаддуни беш аз шашҳазорсола ҳам ҳастем. Баробари ин, шахсиятҳои бузурги фарҳангию таърихие дорем, ки ҳар кадоми онҳо мавриди эҳтироми хосу ом мебошанд. Вале замони муосир моро водор месозад, ки дар ҷомеаи навин қаҳрамонҳои корзори замонро ба воя расонем, Ватанамонро боз ҳам обод гардонем, чароғи маърифатро партавафшон созем. Ва инак, бо наврасону ҷавонони соҳибзавқи хеш ба дастовардҳои тоза ноил гардидем, то онҳо шукуфоии миллатро таъмин намуда, кишвари моро ба як кишвари пешрафта табдил диҳанд.

Файзалӣ ҚАЛАНДАРОВ,
сармутахассиси шуъбаи рушди иҷтимоӣ ва робита бо ҷомеаи дастгоҳи раиси ноҳияи
Шамсиддин Шоҳин



Шарҳи хонандагон +

Матолиби дигар:

Ҷавонон-неруи созанда

Ҷавонон-неруи созанда

Хабарҳо, Ҷавонон ва варзиш, Номаҳои Шумо
Пешвои  миллат - раҳнамои миллат

Пешвои миллат - раҳнамои миллат

Ҳаёти иҷтимоӣ, Хабарҳо, Номаҳои Шумо
Худшиносу ҳомии ватан бошем

Худшиносу ҳомии ватан бошем

Хабарҳо, Ҳуқуқу амният, Ҷавонон ва варзиш, КОМРОНИ БАХТИЁР
Эмомалӣ Раҳмон – Пешвои арзандаи миллати тоҷик

Эмомалӣ Раҳмон – Пешвои арзандаи миллати тоҷик

Сиёсат, Ҳаёти иҷтимоӣ, Хабарҳо, Номаҳои Шумо
Фарзанди фарзонаи миллат

Фарзанди фарзонаи миллат

Сиёсат, Хабарҳо, Номаҳои Шумо