Дар як сатр
» » Ҳушёр бошед! 5 ҳодисаи ғарқшавӣ дар 3 рӯз

Ҳушёр бошед! 5 ҳодисаи ғарқшавӣ дар 3 рӯз

2-07-2015, 14:40

Ҳушёр бошед! 5 ҳодисаи ғарқшавӣ дар 3 рӯз

Бо фаро расидани фасли тобистон ва мавсими гармо ҷавонону наврасон дар дарёҳо, ҳавзҳо ва кӯлу обанборҳо ба оббозӣ машғул шуда, қоидаҳои бехатариро риоя намекунанд, ки ин ба ҳодисаҳои нохуш оварда мерасонад.

Тибқи иттилои обуҳавосанҷон гармии ҳаво дар ҷумҳурӣ аз 1-ум то 5-уми июли соли равон аз 7 то 12 градус баланд шуда, ба обшавии пиряхҳо мерасонад, ки дар ин ҳолат оби дарёву рӯдхонаҳо афзун гардида, ҳангоми оббозӣ эҳтимоли зиёд шудани хавфу хатарро ба вуҷуд меорад.

Ба иттилои дафтари матбуотии ВКД, дар 3 рӯзи охир, аз ҷониби кормандони милитсия дар қаламрави вилояти Хатлон 5 ҳодисаи нохуш вобаста ба ғарқшавии шаҳрвандон ба қайд гирифта шудааст, ки боиси таассуф буда, аз волидону пайвандон тақозо менамояд, то фарзандони ноболиғи худро назорат намуда, аз оббозӣ дар ҷойҳои мамнуъ худдорӣ намоянд.

Масалан, 29 июн, соати 10:00, писарбачаи 10-сола, хонандаи синфи 4-уми мактаби миёнаи таҳсилоти умумӣ, сокини ноҳияи Восеъ, ҳангоми дар ҳавзи деҳа оббозӣ кардан ғарқ шуда, ба ҳалокат расидааст.

30 июни соли 2015, тахминан соати 16:40, марди 44-солаи сокини шаҳри Қӯрғонтеппа ҳангоми оббозӣ кардан дар дарёи "Вахш", воқеъ дар деҳаи Вахши шаҳри Сарбанд, аз беэҳтиётӣ дар об ғарқ шуда, ба ҳалокат расидааст.

Дирӯз, 1-уми июл, ҷавони 22-солаи сокини ноҳияи Хуросон ҳангоми оббозӣ кардан дар дарёи "Вахш" аз беэҳтиётии худ ғарқ шуда, ба ҳалокат расидааст. Барои дарёфт намудани ҷасад чорабиниҳо идома дорад.

1-уми июл, тахминан соати 12:00, инчунин духтарчаи 10-сола, хонандаи синфи 3-юми мактаби миёнаи таҳсилоти умумӣ, сокини деҳаи Гулистони ноҳияи Бохтар аз беназорат мондани волидонаш дар ҷӯйбори обгузари пушти хонаашон афтида, ба ҳалокат расидааст. Барои дарёфт намудани ҷасади хурдсол чорабиниҳои кофтуковӣ идома дорад.

Худи ҳамин рӯз, тахминан соати 16:15, писарбачаи 15-солаи сокини деҳаи Чимгилиши ноҳияи Қубодиён ҳангоми нӯшидани об аз соҳили дарёи "Кофарниҳон" аз беэҳтиётии худ ба дарё афтида, ғарқ шудааст. Барои дарёфт намудани ҷасади ноболиғ чорабиниҳои фаврӣ-ҷустуҷӯӣ идома дорад.

Бо мақсади пешгирии оқибатҳои нохуш ва марговар аз тамоми шаҳрвандон хоҳиш карда мешавад, ки фарзандони худро беназорат нагузоранд ва ҳангоми оббозӣ эҳтиёт бошанд.


Шарҳи хонандагон +

Матолиби дигар:

Садамаи нақлиётӣ бо марги ҷавони 30-сола анҷомид

Садамаи нақлиётӣ бо марги ҷавони 30-сола анҷомид

Хабарҳо, Ҳуқуқу амният
Хатлон: ҷойи оббозӣ кам аст

Хатлон: ҷойи оббозӣ кам аст

Ҷавонон ва варзиш, Тандурустӣ ва экология
1,5 соат пеш. Ғарқи об шудани ҷавони 25-сола дар Ёвон

1,5 соат пеш. Ғарқи об шудани ҷавони 25-сола дар Ёвон

Хабарҳо, Ҷавонон ва варзиш, Тандурустӣ ва экология, НОСИРҶОН МАЪМУРЗОДА
Ишғоли худсаронаи замин дар Вахш

Ишғоли худсаронаи замин дар Вахш

Хабарҳо, Ҳуқуқу амният, НОСИРҶОН МАЪМУРЗОДА
Ноболиғи 16-сола дар куштори кӯдак гумонбар дониста мешавад

Ноболиғи 16-сола дар куштори кӯдак гумонбар дониста мешавад

Хабарҳо, Ҷавонон ва варзиш, НОСИРҶОН МАЪМУРЗОДА