Дар як сатр
» » Нафси бад - балои ҷон!

Нафси бад - балои ҷон!

24-05-2015, 11:58

Нафси бад - балои ҷон!Чанде қабл бо ҳукми Суди шаҳри Қӯрғонтеппа Хурсандқул Мардонович Умронов, сокини ин шаҳр, бо ҷурми муомилоти ғайриқонунии моддаи нашъаовари афюн ба муҳлати 8 сол аз озодӣ маҳрум карда шуд. Ҷазо бояд дар колонияи ислоҳии низомаш пурзӯр адо гардад.

Х. М. Умронов тобистони соли 2006 аз соҳили дарёи Кофарниҳон аз бехи дарахте як селофани полиэтилениеро, ки дар дохилаш афюн будааст, пайдо мекунад. ӯ ба ҷойи он, ки ин “заҳри саломативу ахлоқи инсон”-ро ба ихтиёри ниҳодҳои дахлдор вогузор намояд, ба қавли худаш, онро бо худ нигоҳ дошта, то соли 2009 истеъмол менамояд. Аммо 10 декабри соли 2012 кор ранги дигар мегирад. Зеро дар ин рӯз ба назди Хурсандқул шиносаш Саидмаҳмуд Маҳмадович Одинаев, истиқоматкунандаи ноҳияи Бохтар, омада, хоҳиш намудааст, ки ба вай як миқдор афюн ёфта диҳад. Хурсандқул аз он афюни дар зери фарши хонааш ниҳон як миқдорашро ба маблағи 400 доллари ИМА ба С. М. Одинаев мефурӯшад, ки дувумӣ аз он як миқдорашро фурӯхта, боқимондаашро бо худ гирифтааст, ки он мувофиқи хулосаи экспертӣ-судӣ-химиявии ШТК РВКД-и вилояти Хатлон, 1 грамм вазн доштааст. Мутаассифона, нафси бад 11-уми феврали соли 2013 С. М. Одинаевро боз талаққӣ ба дарёфти афюн менамояд. Дар ин рӯз ӯ тавассути телефони ҳамроҳ бо Хурсандқул ҳамсуҳбат шуда, аз ӯ 1007 грамм афюнро бо арзиши 800 доллари ИМА мехарад. Азбаски ин ҷиноят худи ҳамон рӯз ошкор гардид, Хурсандқул бинобар гурехта гаштан то 1-уми ноябри соли 2014 то лаҳзаи дастгир шудан дар пайгарди қонунӣ қарор дошт.

Ҳамин тариқ, дар асоси далелҳои тасдиқгашта суд кирдори судшаванда Х. М. Умроновро дар асоси моддаи 200, қисми 3, банди “г”-и Кодекси ҷиноятии Ҷумҳурии Тоҷикистон - “ғайриқонунӣ соҳиб шудан, нигоҳ доштан, интиқол додан бо мақсади ба соҳибияти каси дигар додани воситаҳои нашъадор ба миқдори калон” банду баст намуд. Зимнан, суд ҳолатҳои сабуккунанда ва вазнинкунандаи ҷазоро низ ба инобат гирифт.

Боиси таассуф аст, ки Хурсандқул дар 43-солагӣ ба ҷойи ин, ки 8 фарзанди хешро бо ризқу рӯзии ҳалол ба воя расонад ва бо кирдорҳои неки хеш барои онҳо намунаи ибрат гардад, ба чунин ҷинояти нангин даст зад ва акнун бори рӯзгорро барои ҳамсараш бештар кард. Аммо ӯ ҳоло барои чуқур андеша кардану ислоҳ шудан муҳлати зиёде дар ихтиёр дорад...

Сайдалӣ Сироҷиддин САЙВАЛӢ,
раиси Суди шаҳри Қӯрғонтеппа



Шарҳи хонандагон +

Матолиби дигар:

Аз озодӣ маҳрум шудани ду ҷавон

Аз озодӣ маҳрум шудани ду ҷавон

Хабарҳо, Ҳуқуқу амният, НОСИРҶОН МАЪМУРЗОДА
Дар мубориза бо нашъамандӣ коҳил набошем (видео)

Дар мубориза бо нашъамандӣ коҳил набошем (видео)

Хабарҳо, Ҳуқуқу амният, Матолиби чандрасонаӣ, КОМРОНИ БАХТИЁР
Се парвандаи ҷиноятӣ ва мусодираи қариб 10 кг нашъа

Се парвандаи ҷиноятӣ ва мусодираи қариб 10 кг нашъа

Хабарҳо, Ҳуқуқу амният, НОСИРҶОН МАЪМУРЗОДА
Боздошти шаҳрванди ҶИА бо 41 кг маводи мухаддир

Боздошти шаҳрванди ҶИА бо 41 кг маводи мухаддир

Хабарҳо, Ҳуқуқу амният, НОСИРҶОН МАЪМУРЗОДА
Боздошти

Боздошти "Шерчангол" бо силоҳу ним кило афюн

Хабарҳо, Ҳуқуқу амният, НОСИРҶОН МАЪМУРЗОДА