Эмомалӣ Раҳмон ва Соли байналмилалии ҳифзи пиряхҳо – 2025
Солномаи Пешвои миллат бо номи “Эмомалӣ Раҳмон ва Соли байналмилалии ҳифзи пиряхҳо – 2025” дар...
5-02-2026, 11:34
КӮШОНИЁН: ИШТИРОК ДАР ҶАМЪОВАРИИ ҲОСИЛИ ПАХТА ВА МАККАИ ДОН ДАР ХОҶАГИИ ДЕҲҚОНИИ «КАМОЛ»
Имрӯз, 6 сентябр, дар ноҳияи Кӯшониён Раиси вилояти Хатлон Давлаталӣ Саид аз рафти корҳои кишоварзӣ боздид намуда, дар ҷамъоварии ҳосили пахта ва маккаи дон дар хоҷагии деҳқонии «Камол»-и ноҳия иштирок намуданд.
Хоҷагии деҳқонии «Камол» соли 2015 таъсис ёфта, дар деҳаи Гулистони ҷамоати шаҳраки Бӯстонқалъа фаъолият мекунад. Хоҷагӣ яке аз воҳидҳои кишоварзии маҳаллӣ буда, дар самти истифодаи самараноки замин ва истеҳсоли маҳсулоти кишоварзӣ фаъолияти мунтазам ба роҳ мондааст.
Майдони умумии заминҳои хоҷагӣ 7,20 гектарро ташкил медиҳад. Аз ин масоҳат 5 гектар ба кишти пахта, 1,20 гектар ба гандум ва 1 гектар ба кишти маккаи дон ҷудо гардидааст. Ҳамзамон, дар хоҷагӣ дар майдони 1,20 гектар кишти такрории маккаи дон гузаронида шудааст.
Айни замон дар хоҷагӣ корҳои омодагӣ барои оғози маъракаи ҷамъоварии ҳосили пахта ва маккаи дон ба анҷом расида, деҳқонон барои сари вақт ҷамъоварӣ намудани маҳсулоти кишоварзӣ омодагӣ мебинанд.
Зимни боздид Раиси вилояти Хатлон бо деҳқонон суҳбат намуда, оид ба вазъи заминҳо, нигоҳубини зироатҳо, ҳосилнокӣ ва раванди ҷамъоварии маҳсулот маълумот гирифтанд.
Раиси вилоят Давлаталӣ Саид ба фаъолияти хоҷагидорӣ ва меҳнати деҳқон баҳои мусбат дода, таъкид намуданд, ки истифодаи самараноки замин, риояи қоидаҳои агротехникӣ ва сари вақт анҷом додани корҳои кишоварзӣ барои ба даст овардани ҳосили хуб ва таъмини бозори дохилӣ бо маҳсулоти кишоварзӣ аҳамияти муҳим дорад.
Дар идомаи боздид рафти ҷамъоварии маккаи дон мушоҳида гардида, барои дар муҳлатҳои муайяншуда ҷамъоварӣ намудани ҳосил ва пешгирӣ аз талафоти маҳсулот тавсияҳои дахлдор дода шуд.
Таъкид гардид, ки рушди соҳаи кишоварзӣ, истифодаи самараноки заминҳои корам, афзоиши истеҳсоли маҳсулоти кишоварзӣ ва таъмини бозори дохилӣ бо маҳсулоти ватанӣ аз ҷумлаи самтҳои муҳими сиёсати иқтисодии мамлакат мебошад.
Кишти такрории маккаи дон дар хоҷагӣ низ яке аз роҳҳои самараноки истифодаи замин ба ҳисоб рафта, имкон медиҳад, ки аз замин дар як сол бештар маҳсулоти кишоварзӣ ба даст оварда шавад.
Маъракаи ҷамъоварии ҳосили пахта яке аз муҳимтарин давраҳои корҳои кишоварзӣ ба шумор рафта, натиҷаи заҳмати чандмоҳаи кишоварзонро ҷамъбаст менамояд. Аз ин рӯ, сари вақт ва беталаф ҷамъоварӣ намудани пахта барои баланд бардоштани самаранокии истеҳсолот ва таъмини даромади хоҷагиҳои деҳқонӣ аҳамияти калон дорад.
Рамазони МИРЗОМИДДИН, "Хатлон"
Дигар хабарҳо
-
5-02-2026, 11:34
-
23-12-2021, 16:14
Соли вусъати корҳои ободониву созандагӣ
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
-
21-12-2021, 12:16
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» 21.12.2021 13:10, шаҳри Душанбе
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
-
13-07-2021, 03:29
МАЪРӮЗАИ Раиси Кумитаи телевизион ва радиои назди Ҳукумати Ҷумҳурии Тоҷикистоноид ба ҷамъбасти натиҷаҳои фаъолият Кумитаи телевизион ва радиои назди Ҳукумати ҶТ
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
-
9-03-2024, 16:45
Суханронӣ дар мулоқот бо фаъолон, намояндагони ҷомеа ва ходимони дини кишвар
Ҳамватанони азиз!Муҳтарам фаъолону намояндагони ҷомеа ва ходимони дин!...
