“ШАБЕ ДАР ОСОРХОНА” ДАР ОСОРХОНАИ ВИЛОЯТИ ХАТЛОН ДОИР ГАРДИД

18 май ба ифтихори Рӯзи байналмилалии осорхонаҳо дар назди бинои Осорхонаи таърихию кишваршиносии вилояти Хатлон ба номи «Авасто» таҳти унвони “Шабе дар осорхона” чорабинии фарҳангӣ баргузор гардид.

Дар чорабинӣ намояндагони мақомоти иҷроияи ҳокимияти давлатии вилояти Хатлон, роҳбарият, кормандон ва собиқадорони соҳаи осорхонашиносӣ, аҳли фарҳангу ҳунар ва дигар меҳмонон иштирок намуданд.

Зимни суханрониҳо баромадкунандагон аз нақши осорхонаҳо дар ҳифзу муаррифии таъриху тамаддуни миллӣ, тарбияи ҳисси ватандӯстӣ ва эҳтиром ба арзишҳои фарҳангӣ ёдовар шуда, таъкид карданд, ки осорхонаҳо ҳамчун махзани таърих дар шинохти гузаштаи миллат аҳамияти калон доранд.

Қайд гардид, ки Осорхонаи таърихию кишваршиносии вилояти Хатлон ба номи «Авасто» моҳи ноябри соли 2011 таъсис ёфта, имрӯз ба яке аз марказҳои муҳими фарҳангиву маърифатии вилоят табдил ёфтааст.

Дар идомаи чорабинӣ ба як қатор фаъолону кормандони соҳаи осорхонашиносӣ барои фаъолияти пурсамар сипосномаҳои мақомоти иҷроияи ҳокимияти давлатии вилояти Хатлон тақдим карда шуд.

Ҳамчунин барномаи фарҳангӣ бо пешниҳоди суруду таронаҳои дилнишин хотири ҳозиринро болида гардонид.

Н. Самадзода, "Хатлон"