Рӯзномаи Хатлон » Ҳокимияти давлати » АЁДАТИ СОБИҚАДОРИ МЕҲНАТ


АЁДАТИ СОБИҚАДОРИ МЕҲНАТ


Раиси вилояти Хатлон Қурбон Ҳакимзода дар доираи сафари кории худ ба ноҳияи Ҷайҳун собиқадори меҳнат Назаралӣ Абдурасуловро аёдат намуд.

Назаралӣ Абдурасулови 68-сола собиқаи беш аз 40-солаи кор дар самти иқтисоду кишоварзӣ ва хизмати давлатӣ дорад. Солҳои 2006-2016 дар мақоми муовини якуми раиси ноҳияи Ҷайҳун кори пурсамар кардааст.

Заҳматҳояш бо ифтихор-номаҳои Вазорати кишоварзии Ҷумҳурии Тоҷикистон ва раиси вилояти Хатлон қадрдонӣ карда шудаанд. 

Раиси вилоят аз замини наздиҳавлигии Н. Абдурасулов дидан карда, барои истифодаи самарабахши он баҳои баланд дод.

Назаралӣ Абдурасулов 18 сотих замини наздиҳавлигиашро ҳамроҳи фарзандон пурсамар истифода намуда, ҳар сол то се ҳосил мерӯёнад. Инчунин, дар гармхонааш лимӯпарварӣ карда, аз ҳисоби даромадаш корҳои ободонӣ ва боғ бунёд мекунад.

Раиси вилоят Қурбон Ҳакимзода фаъолияти бисёрсолаю бенуқсони Н. Абдурасулов, дастовардҳояш дар соҳаи кишоварзию боғдориро намунаи ибрат арзёбӣ карда, қайд намуд, ки аз таҷрибаю машварати ӯ дар пешбурди корҳои кишоварзӣ мутахассисони ҷавон бояд фаровон истифода баранд.

Дигар хабарҳо

Рӯзнома дар Вазорати фарҳанги Ҷумҳурии Тоҷикистон таҳти рақами 117/рз-97 аз 07 январи соли 2019 аз нав ба ҳисоб гирифта шудааст.

хабарҳои охир

Яндекс.Метрика

Муассис:

МАҚОМОТИ ИҶРОИЯИ ҲОКИМИЯТИ ДАВЛАТИИ ВИЛОЯТИ ХАТЛОН

САРМУҲАРРИР

Носирҷон Маъмурзода