6 МЕДАЛИ ТИЛЛОИ ОЗМУНИ «АТТЕСТАТИ АЪЛО» БА БОХТАР ОМАД

Дар озмуни ҷумҳуриявии «Аттестати аъло» 6 нафар хонандагони муассисаҳои таҳсилоти миёнаи умумии шаҳри Бохтар бо донишу маҳорати баланд иштирок намуда, сазовори медали тилло гардиданд.

Дар ин бора аз шуъбаи маорифи шаҳри Бохтар иттилоъ доданд.

Ба гуфтаи масъулони маорифи шаҳр ин муваффақият натиҷаи талошҳои пайвастаи хонандагон, меҳнати содиқонаи омӯзгорон ва дастгирии ҳамешагии падару модарон арзёбӣ мешавад. Ба даст овардани чунин натиҷаҳо аз болоравии сатҳи таълиму тарбия ва таваҷҷуҳи бештар ба рушди зеҳнии насли наврас дар шаҳри Бохтар шаҳодат медиҳад.

Н. Самадзода, "Хатлон"