ҲИФЗИ МУҲИТИ ЗИСТ- ЗАМИНАИ РУШДИ УСТУВОРИ ВИЛОЯТИ ХАТЛОН

Дар ин раванд фаъолияти Сарраёсати  ҳифзи  муҳити  зист  дар вилояти  Хатлон  сол  ба  сол  густариш ёфта, татбиқи Барномаи давлатии  кабудизоркунии  Ҷумҳурии Тоҷикистон  барои  давраи  то  соли 2040 натиҷаҳои  назаррас  ба  бор овардааст.

Тавре ки аз Раёсати ҳифзи муҳити зисти вилоят ба рӯзномаи “Хатлон”  хабар доданд, дар доираи нақшаи амал барои солҳои 2025-2027 соли 2025 ба ҷойи 500 ҳазор бех ниҳоли пешбинишуда дар вилоят зиёда аз 717 ҳазор бех ниҳоли ҳамешасабз, сояафкан  ва  мевадиҳанда  шинонида шуд, ки 143,6 фоизи нақшаро ташкил  медиҳад.  Соли 2026 низ натиҷаҳо  назаррас  буда,  ба  ҷойи 600 ҳазор бех ниҳоли нақшавӣ беш аз 742 ҳазор бех ниҳол шинонида шуда, иҷрои нақша ба 123,8 фоиз расид. Танҳо дар минтақаи Бохтар дар мавсими тирамоҳи соли 2025 ва баҳори соли2026 қариб488 ҳазор бех ниҳол ва зиёда аз 4,4 миллион бех гулу гулбутта шинонида шуд.

Бо  мақсади  таъмини  минбаъдаи  корҳои  кабудизоркунӣ дар  минтақаҳои  гуногуни  вилоят  ниҳолхонаҳои  замонавӣ  таъсис  дода  мешаванд.  Дар  доираи лоиҳаи«Барқарорсозии  устувори ландшафтҳо» зиёда  аз 202 ҳазор бех  навниҳол  ройгон  дастрас гардида,  дар  ноҳияҳои  Вахш, Ҷалолиддини Балхӣ, Ҷайҳун, Панҷ, Абдураҳмони Ҷомӣ, Қубодиён, Ёвон, Хуросон  ва  дигар  шаҳру  ноҳияҳо шинонида  шуданд.  Барои  рушди ниҳолпарварӣ  ҳамчунин  техника ва  таҷҳизоти  муосири  кишоварзӣ, аз  ҷумла  тракторҳо,  мотоблокҳо, дорупошакҳо ва насосҳои обкашонӣидастрас гардиданд.

Сарраёсати ҳифзи муҳити зисти вилояти  Хатлон  дар  доираи  сиёсати  давлатии  экологӣ  тасмим  ги-рифтааст, ки корҳои кабудизоркунӣ  ва рушди ниҳолпарвариро боз ҳам вусъат  бахшида,  тирамоҳи  соли 2026 дар ноҳияи Ҷайҳун ниҳолхонаи нав таъсис диҳад ва дар майдони 10  гектар талу теппаҳо ниҳолҳои писта ва хуч шинонад.

Натиҷаҳои  бадастомада  нишон медиҳанд,  ки  таваҷҷуҳи  пайвастаи давлату  Ҳукумат  ба  масъалаҳои ҳифзи  муҳити  зист,  иштироки  фаъоли мақомоти маҳаллӣ ва сокинон барои  сабзу  хуррам  гардонидани Хатлон  заминаи  мусоид  фароҳам овардааст. Ин иқдомҳо барои беҳтар шудани вазъи экологӣ, инчунин таъмини рушди устувор, ҳифзи гуногунии биологӣ ва ободу зебо гардидани диёри азизамон аҳамияти бузург доранд.

Ҳангомаи ИСМАТ,
«Хатлон»