Дар як сатр
» » Дар соли 2016 ба дастовардҳои бештар ноил гардем

Дар соли 2016 ба дастовардҳои бештар ноил гардем

1-01-2016, 07:30

Паёми табрикии раиси вилояти Хатлон
Гулмаҳмадзода Давлатшоҳ Қурбоналӣ
бахшида ба фарорасии Соли нави мелодии 2016


Дар соли 2016 ба дастовардҳои бештар ноил гардем


Ҳамдиёрони азиз!

Ифтихор аз он мекунем, ки сол аз сол соҳаҳои иқтисодиёт ва иҷтимоиёти вилояти Хатлон рушду нумӯъ ёфта, бо фаро расидани соли нави мелодӣ дастовардҳои меҳнаткашони вилоят ҷамъбаст мегардад.

Боиси тазаккур аст, ки соли 2015 барои мардуми вилоят ва кишвари азизамон - Тоҷикистони биҳиштосо соли бисёр муҳиму хотирмон буд. Дар ин сол сокинони вилоят ба пешравиҳои назаррас ноил гардида, дар қалби хурду бузург эҳсоси худшиносиву худогоҳӣ, ватандӯстиву ватандорӣ, рӯҳияи созандагиву бунёдкорӣ ва хушбинӣ ба ояндаи нек густариши бесобиқа пайдо кард.

Дар ин сол яке аз рӯйдодҳои муҳими таърихӣ Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ - пешвои миллат» қабул гардида, фарзанди фарзонаи миллат, Қаҳрамони Тоҷикистон, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон расман Пешвои миллат дониста шуд.

Пешвои миллати мо ҳамчун шахсияти созанда ва арзанда, халқро дар атрофаш муттаҳид намуд, неруманд кард, раванди бунёди давлатдориро анҷом дод, шароитҳои заруриро барои зиндагии шоиста ба сокинони ҷумҳурӣ, алалхусус фарзандону наберагонамон фароҳам овард. Тайи 20 сол садоқатмандона он корҳоеро анҷом дод, ки кишвари мо тавонмандии онро надошт. Алҳол бисёр созмонҳои байналмилалӣ ва ниҳодҳои тадқиқотии ҷаҳон таҷрибаи Тоҷикистонро ҳам дар бобати ҳалли ихтилофот ва ҳам дар мавриди рушди марҳалаи пас аз ихтилофи ҷомеа меомӯзанд.

Аз рӯйи натиҷаҳои тараққиёти иқтисодию иҷтимоии вилоят дар соли 2015 гуфтан мумкин аст, ки имрӯз рушди иқтисодӣ дар вилоят суръат мегирад, соҳаҳои иҷтимоӣ ва фарҳангӣ бемайлон инкишоф меёбанд, барои рушди босифати низоми маориф шароит фароҳам оварда шудааст.

Мардуми шарифи вилоят соли 2015 тамоми ғайрату имконияти худро ба хотири сулҳу суббот, дастгирии сиёсати хирадмандонаи Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон, амалӣ ва устувор намудани ваҳдати миллию ғояҳои ватандориву Истиқлолияти давлатии Ҷумҳурии Тоҷикистон сафарбар намуд.

Соли 2015 мардум вакилони худро дар Маҷлиси намояндагони Маҷлиси Олии Ҷумҳурии Тоҷикистон, маҷлисҳои вакилони халқи вилоят, шаҳру ноҳияҳо ва ҷамоатҳои шаҳраку деҳот интихоб намуданд, ки ба рушди минбаъдаи вилоят хизмат хоҳанд кард.

Итминон дорам, ки сокинони сарбаланди вилояти Хатлон дар соли нави мелодии 2016 низ бо саъю талоши дучанд заҳмат кашида, дар соҳаҳои мухталифи хоҷагии халқи вилоят ба дастовардҳои боз ҳам бештар ноил мегарданд.

Вазифаи аввалиндараҷаи мо дар соли нав, пеш аз ҳама, идома бахшидан ба раванди таҳкими пояҳои давлати соҳибистиқлоламон, вусъат додани корҳои бунёдкориву созандагии Ватани маҳбубамон, тарбияи насли наврасу ҷавонон дар рӯҳияи ватандӯстиву ифтихори миллӣ, садоқат ба анъанаву суннатҳои таърихиву фарҳангии миллат ва эҳтиром ба арзишҳои неки умумибашарӣ мебошад.

Аз ин рӯ, моро зарур аст, ки тамоми саъю талоши худро ба он равона созем, ки фарзандонамон ҳамчун насли бомаърифату соҳибфарҳанг, бонангу номус, ҷӯяндаву эҷодкор, ҳамчун номбардорони халқи куҳанбунёди тоҷик ва давлати соҳибистиқлоли Тоҷикистон ба камол расанд.

Боварӣ дорам, ки соли нави мелодии 2016 барои тамоми мардуми вилоят ва кишвари биҳиштосоямон соли таҳкими дастовардҳо, рушди минбаъдаи давлатдории миллӣ ва соли пурфайзу бобарор дар ҳамаи бахшҳои ҳаёти ҷомеа мегардад ва мардуми сарбаланду таҳаммулпазирамон минбаъд низ шукронаи Ватани озоду давлати соҳибихтиёрамон намуда, барои боз ҳам ободу зебо гардидани сарзамини аҷдодӣ ва болоравии нуфузу обрӯи Тоҷикистон дар арсаи байналмилалӣ кору фаъолият карда, бо дарназардошти шароити ҳассоси ҷаҳони муосир ифтихори ватандориву ватандӯстӣ ва Ваҳдати миллиро таҳкими бештар мебахшанд.

Бо ҳамин ниятҳои нек бори дигар ҳар яки шумо - ҳамватанони азизро бо фарорасии Соли нави мелодии 2016 табрик гуфта, бароятон саломатӣ, хушбахтӣ, кору рӯзгори шоиста ва нерӯю матонати бепоён баҳри ободии диёр таманно менамоям.

Соли нави мелодии 2016 муборак, ҳамдиёрони азиз!


Шарҳи хонандагон +

Матолиби дигар:

Д. Гулмаҳмадзода: «Саҳми олимону устодони эҷодкор дар рушди илми тоҷик наза ...

Д. Гулмаҳмадзода: «Саҳми олимону устодони эҷодкор дар рушди илми тоҷик наза ...

Хабарҳо, Маориф ва илм
Дар партави Паём. Сиёсати башардӯстонаи Пешвои миллат

Дар партави Паём. Сиёсати башардӯстонаи Пешвои миллат

Хабарҳо, Номаҳои Шумо
Эҳтироми Парчам эҳтиром ба давлату миллат аст

Эҳтироми Парчам эҳтиром ба давлату миллат аст

Сиёсат, Хабарҳо
Сарқонун моро ба ояндаи дурахшон ҳидоят менамояд

Сарқонун моро ба ояндаи дурахшон ҳидоят менамояд

Сиёсат, Хабарҳо, Ҳуқуқу амният
Дар Соли нав созандагию бунёдкорӣ ва ободонии диёрро идома мебахшем

Дар Соли нав созандагию бунёдкорӣ ва ободонии диёрро идома мебахшем

Сиёсат