Ба даври ҷумҳуриявӣ роҳхат гирифтанд

Муҳаррир: Суҳроби Рустам аз 27 август, Бахш: Ҳокимияти давлати / Матлабҳои охирин / Хабари рӯз / Фарҳанг ва адабиёт / Маориф ва илм / Хабарҳо, Боздид 1 163

---

Дар даври вилоятии озмун ғолибони даври шаҳриву ноҳиявӣ аз рӯйи номинатсияи “Расми беҳтарин” таҳти унвони “Андоз аз нигоҳи наврасон” иштирок намуда, маҳсули дастранҷашонро пешкаши ҳакамон карданд.

Фирӯза Шарифӣ изҳор дошт, ки бо мақсади тарғиби қонунгузории соҳаи андоз озмуни мазкур бо иқдоми Кумитаи андози назди Ҳукумати Ҷумҳурии Тоҷикистон ташкил гардидааст.

Дар раванди озмун ҳар як хонанда дар бораи расмҳои тасвирнамудаашон маълумот дода, мафҳуми супоридани андоз, сарчашмаҳои андоз, андоз – пояи давлат, хароҷоти андозҳои ба буҷет воридшуда, мақсади хароҷот ва дигар мафҳумҳоро дар расмҳо инъикос ва маънидод намуданд.

Ҳайати ҳакамон расми тасвирнамудаи 75 нафар ғолибони даври шаҳриву ноҳиявиро аз назар гузаронида, тибқи натиҷаи холгузорӣ онҳоро баҳогузорӣ карданд. Ҳамзамон, дар озмун аз рӯйи номинатсияи “Беҳтарин донандаи Кодекси андози Ҷумҳурии Тоҷикистон” миёни донишҷӯёни таҳсилоти ибтидоӣ, миёна, ва олии касбӣ, соҳибкорон ва шаҳрвандон гузаронида шуд, ки дар он тариқи саволу ҷавоб донишу маҳорати ғолибони даври аввал мавриди санҷиш ва баҳогузорӣ қарор гирифт.

Дар охир, 9 нафар аз рӯйи номинатсияи аввал ва 9 нафар аз рӯи номинатсияи дуюм ғолиби ҷойи якум, дуюм ва сеюм (се нафарӣ аз ҳар як ҷой) гардиданд, ки онҳо бо Ифтихорномаи Раёсати андози вилояти Хатлон, туҳфаҳои молӣ ва роҳхат қадрдонӣ гардида, ба даври ҷумҳуриявии озмуни «Маданияти андозсупорӣ – баҳои бофарҳангии ҷомеа» роҳхат гирифтанд.

С. АЗИЗЗОДА