Дар як сатр
» » Нуфузи ДДҚ дар миёни мактабҳои олӣ боло меравад

Нуфузи ДДҚ дар миёни мактабҳои олӣ боло меравад

22-07-2015, 15:41

Нуфузи ДДҚ дар миёни мактабҳои олӣ боло меравад97% хатмкардаҳои имсолаи Донишгоҳи давлатии Қӯрғонтеппа ба номи Носири Хусрав бо ҷойи кор таъмин гардидаанд.

Дар ин бора Шодиён Муҳаммад Султонзода, ректори донишгоҳи мазкур, дар аснои нишасти хабариаш иттилоъ дод. Ба қавли ӯ, нуфузи ДДҚ ба номи Носири Хусрав тайи чанд соли охир дар миёни муассисаҳои олии таълимии Тоҷикистон боло рафта, таваҷҷуҳи довталабон ҳам ба ин донишгоҳ бештар шудааст.

- Ба унвони далели ин иддао метавон гуфт, ки имсол агар довталабон тавассути Маркази миллии тестӣ бештар аз ҳама барои шомил шудан ба Донишгоҳи миллии Тоҷикистон ва Донишгоҳи тиббии ба номи Сино алоқамандӣ нишон дода бошанд, дар ҷойи сеюм донишгоҳи мо буд, - афзуд Шодиён М.

Дар нишасти хабарӣ ҳамчунин зикр гардид, ки ДДҚ ба номи Носири Хусрав бо 30 донишгоҳи хориҷӣ аз Русия, Қазоқистон, Эрон, Афғонистон, Украина, Беларус ва ғайра робитаҳои илмӣ дорад.

Ректори донишгоҳ дар иртибот ба бунёдкориҳо гуфт, ки имсол бо сарфи беш аз 200 ҳазор сомонӣ толори варзишии донишгоҳ аз таъмири капиталӣ бароварда шуд. Ба ҷуз ин, феълан бозсозии маҷлисгоҳи муҳташами ДДҚ барои 300 ҷойи нишаст идома дорад, ки барои иҷрои ин тарҳ сарфи наздики 400 ҳазор сомонӣ дар назар аст.

- Ҳоло корҳои лоиҳакашии бинои нави таълимии донишгоҳ дар ҳоли анҷомёбианд ва ояндаи наздик бунёди он оғоз хоҳад шуд, - илова кард М. Шодиён.

Дар соли таҳсили гузашта маъмурияти ДДҚ ба номи Носири Хусрав ба 17 ятими кулл, ки дар ин муассиса таҳсил мекунанд, чор дафъа ба андозаи аз 800 то 1000 сомонӣ кӯмакпулӣ ироа намудааст. Аз кӯмаку имтиёзҳои донишгоҳ ҳамчунин 416 донишҷӯи нимятим низ баҳравар шудаанд.

М. НОСИРҶОН


Шарҳи хонандагон +

Матолиби дигар:

Таъсиси донишгоҳи тиббии Хатлон

Таъсиси донишгоҳи тиббии Хатлон

Иқтисоду тиҷорат, Хабарҳо, НОСИРҶОН МАЪМУРЗОДА
Таъсиси ихтисосҳои нав дар ДДҚ ба номи Носири Хусрав

Таъсиси ихтисосҳои нав дар ДДҚ ба номи Носири Хусрав

Хабарҳо, Маориф ва илм, НОСИРҶОН МАЪМУРЗОДА
ДДҚ: Дастовардҳо хурсандибахшанд

ДДҚ: Дастовардҳо хурсандибахшанд

Хабарҳо, Ҷавонон ва варзиш, Маориф ва илм, АМОН МАҲКАМОВ
Тақдими 740 китоби таълимӣ барои донишҷӯёни риштаи сайёҳӣ

Тақдими 740 китоби таълимӣ барои донишҷӯёни риштаи сайёҳӣ

Хабарҳо, Ҷавонон ва варзиш, Маориф ва илм
12 номзади илм дар ДЭТ

12 номзади илм дар ДЭТ

Хабарҳо, Маориф ва илм, НОСИРҶОН МАЪМУРЗОДА