Дар як сатр
» » Оворагии 60 муҳоҷири тоҷик

Оворагии 60 муҳоҷири тоҷик

11-07-2015, 16:44

Оворагии 60 муҳоҷири тоҷикҲафтаи охир беш аз 60 нафар муҳоҷирони меҳнатии тоҷик, ки дар ширкати «Монолитстрой»-и Екатеринбурги Русия заҳмат мекашиданд, корпартоӣ карданд. Феълан ширкати мазкур аз ин муҳоҷирони корӣ як миллион рубли русӣ қарздор аст.

Ин тасмими муҳоҷирони кории тоҷик дар ҳоле сурат гирифт, ки онҳо музди маоши думоҳаашонро аз ин ширкат нагирифтаанд. Муҳоҷирон аз роҳбари корхонаи мазкур талаби қатъӣ доранд, ки ҳақмузди думоҳаашонро бипардозад.

Шарофиддин Ш., яке аз ин ҳақталабон, мегӯяд, ки дар маҷмӯъ ҳақмузди думоҳаи ӯ ва 60 ҳамкори дигараш ба беш аз 1 миллион рубли русӣ баробар аст ва роҳбари корхонаи мазкур ҳаргуна баҳонаҳоро пеш оварда, рӯз то рӯз дар пардохти ҳаққи онҳо кашолкорӣ намуда истодаанд.

- Ваъдаи охирини раиси корхона то 7-уми июли соли ҷорӣ буд, он ҳам амалӣ нашуд, - мегӯяд Ш. Шарофиддин. – Акнун мо ба хулосае омадем, ки ин ширкатро ба суд диҳем. Бадии ин вазъият дар он аст, ки мо иҷорапулии манзиламонро дода натавониста истодаем ва ҳатто барои ғизо ҳам қариб, ки дар даст пул намондааст.

Ба қавли як манбаи боэътимод аз ин ширкати сохтмонӣ бригадаи дигари иборат аз 80 муҳоҷири тоҷик низ ба ин мушкилӣ рӯ ба рӯ шуда, 3 моҳ боз ҳақмуздашонро аз корфармо гирифта наметавонанд.

Бояд гуфт, ки дар ширкати мазкур беш аз 350 нафар шаҳрванди Тоҷикистон кор мекунанд.

Вақтҳои охир пардохт нашудани ҳақмузди муҳоҷирони корӣ аз тарафи корфармоён зиёд ба назар мерасад. Таҳлилгарон бар он андешаанд, ки буҳрони иқтисодии Русия таъсири бади худро расонидааст.

Ёдовар мешавем, ки ахиран дар рӯзномаи «Хатлон» ва сомонаи расмии он www.khatlon-ruznoma.tj ба ҳамин монанд хабар нашр шуда буд ва дар наздиктарин фурсат он матлаб ба нишон расиду 100 нафар муҳоҷири кории тоҷик, ки дар гирифтани маошашон аз ҷойи кор ба мушкили рӯ ба рӯ шуданд, ба он даст ёфтанд.

Раҳмоналӣ ДОДАРХӮҶАЕВ,
махсус барои рӯзномаи «Хатлон»
аз Екатерингбург Русия


«Хатлон», №29, аз 9 июли соли 2015


Шарҳи хонандагон +

Матолиби дигар:

Бо кӯмаки «Хатлон» мушкил ҳал шуд! Маошро гирифтанду идона фиристоданд

Бо кӯмаки «Хатлон» мушкил ҳал шуд! Маошро гирифтанду идона фиристоданд

Хабарҳо, Ҳуқуқу амният
Нақзи ҳуқуқи боз 100 муҳоҷири тоҷик дар Русия

Нақзи ҳуқуқи боз 100 муҳоҷири тоҷик дар Русия

Ҳаёти иҷтимоӣ, Хабарҳо, Номаҳои Шумо
Ихроҷи 3 муҳоҷир аз Уфаи Русия

Ихроҷи 3 муҳоҷир аз Уфаи Русия

Хабарҳо, Ҳуқуқу амният, Ҷавонон ва варзиш
«Пётри Кабир дар куҷо қаҳва нӯшидааст?»

«Пётри Кабир дар куҷо қаҳва нӯшидааст?»

Ҳаёти иҷтимоӣ, Ҷавонон ва варзиш
Тасвиби қонуни нави марбут ба муҳоҷирони корӣ дар Русия

Тасвиби қонуни нави марбут ба муҳоҷирони корӣ дар Русия

Хабарҳо