Дар як сатр
» » Муроҷиати модарони Хатлонзамин: Нагузорем, ки ҷоми булӯрини Ваҳдат осеб бубинад

Муроҷиати модарони Хатлонзамин: Нагузорем, ки ҷоми булӯрини Ваҳдат осеб бубинад

6-07-2015, 18:06

Муроҷиатномаи модарони Хатлонзамин ба кулли модарон, хоҳарон ва бонувони Тоҷикистони азиз

Муроҷиати модарони Хатлонзамин: Нагузорем, ки ҷоми булӯрини Ваҳдат осеб бубинад

Бо як ҷаҳон эътиқоду эътимод ба кулли модарону бонувон бо арзи эҳтирому садоқат ба якояки Шумо саодату пирӯзи бахтро таманно намуда, эҳтиромона хоҳиш менамоям, ки ба садои дили саршори меҳру муҳаббати мо, лаҳзае таваҷҷуҳ намоед, ки ин оҳанги қалби модарон, бонувон навсафарони ҷодаи бахту умеди сулҳхоҳони ҷаҳон аст. Ҷаҳони муосир ва тамуддуни олам имрӯз бо тахавуллоти иқтисодӣ, сиёсӣ ва таназули фикри побанд гашта, қудратхоҳон бо тавоноию нерӯи худ мехоҳад олами афсонавиро зери панҷаи макру фасод ва зулму фишор нажодпарастӣ қарор диҳанд.

Шарқ, Ғарб, Шимол, Ҷануб чаҳор қутб, замин, об, оташ, бод, дар гаҳвораи навозиш, ҳамин мавҷудоти оламро бо умеду орзуи рушд парвариш намуда, аз оғоз то вопасин дам эҳтиром менамояд.

Худованд дар вуҷуди инсон сидқу садоқат, меҳру вафо ҷой дод.

Модар беҳтарин муъҷизаи Худованд аст ва Худованд баъди худ барои офариниш ба модар иҷозат дод. Имрӯз модар сипосгузор, шукргузор ва амонати илоҳиро бояд ҳимоя намояд. Яъне фарзанди баоламовардаи худро ҳамчун гавҳараки чашм эҳтиёт намоянд, набояд хиёнат кунад. Ҳар касе, ки хоҳ мард бошад, хоҳ зан, хиёнат кард ба ҷисми худ, ба фарзанди худ, ба шавҳари худ, ба модару падари худ хиёнат мекунад, ҳайфи номи модаре, ки меҳру муҳаббатро аз даст дода, дар ҷодаи Аҳримани гом мебардорад ва паймони Яздонро мешиканад.

Мо модарони Хатлонзамини бостонӣ аз авроқи талхи таърих бардоштҳои зиёд дорем. Имрӯз мо дар тарозуи ақлу хирад бояд ҳар як амали зишту неки худро баркашем. Бадӣ, кину ҳасад, макру бухл, дар ҳеҷ замон касеро ба қуллаи мақсуд нарасонидааст.

Зан, модар, хоҳар ҷаҳонро бо меҳр, бо ишқ, бо бикрию покӣ, бо навозишҳои гарму нарм, пурҳарорат намуда, зиндагиро бояд рангин ва зебо намояд. Эътиқод ба зиндагӣ, дурахши ҳаёт, ҳамеша дар набарди меҳр ба қувваҳои бадхоҳон ва бадкирдорон пирӯз гаштаву пирӯз мегардад.

Ай модар, ки худ ҳам хоҳар ҳастию ҳам зан, ҳам чароғи хонадон, оё ҳақ дорӣ, ки ба хонадон ва фарзандони худ хиёнат намоӣ.

Ҷаҳони муосир, бахусус шарқи исломӣ дар айни замон бо ваҳшонияту даҳшати ҷанг, ҷанге, ки аз ҷисм ҷонро мебарад, молу мулкро ба коми оташ афканда, инсонҳоро паҳну парешон дур аз Ватан дар ҷодаҳои фақру ғам, ранҷу дард саргардону бенаво месозад, рӯ ба рӯ омадааст. Саркардаҳои ин фоҷиа бо ивази пулу мол инсонҳо, ҷавононе, ки чандон аз тазодҳои зиндагӣ огаҳ нестанд, ба сӯйи худ мекашанд. Бо роҳи макру фиреб тавассути расонаҳои хабарӣ, бахусус интернет ба онҳо кӯҳи тиллоӣ ваъда медиҳанд. Ҳатто ба ин даҳшат бонувоне, ки аз оқибати даҳшатбори ин фоҷиа огаҳ нестанд, ба доми фиреби худ мекашанд.

Аз ин рӯ, аз кулли бонувон, модарон эҳтиромона хоҳиш менамоем, ки равандҳои сиёсии ҷаҳони муосирро бо диди ақлу хирад ботаҳаммулпазирӣ таҳлил намуда, фарзандону пайвандон ва ҷигаргӯшаҳои худро нагузоранд, ки дар ҷодаи кибру ғурур ва ба ҳизбу ҳаракатҳои ифротгароӣ, ба созмонҳое, ки сулҳу ваҳдат ва оини моро халалдор месозанд, даст зананд, яъне зан бояд рисолати азалии худро иҷро намояд.

Имрӯз, шукр аз Худованд ва сиёсати хирадмандонаи Сарвари муаззами кишвар, пешвои тоҷикони ҷаҳон, Ҷаноби Олӣ Эмомалӣ Раҳмон, фазои кишвари мо осоишта ва ваҳдати кулл раҳнамои миллату ватани мост. Таърих ба мо сабақ дод, беҳтарин неъмати илоҳи Ватан, Сулҳ, Ваҳдат ва осоиштани меҳан аст.

Мо нагузорем, ки ҷоми булӯрини Ваҳдат, ки бо ҳазорон умеду ормон бо ивази ҷонбозиҳо ва ашки модарон ба даст омадааст, аз чашмзахми нохалаф, аз тири нигоҳи бадхоҳон, кину адовати нокасон осеб бубинад.

Мо - модарони Хатлонзамин аз оқибати ҷанг, гуруснагӣ, фақирӣ, аз дастдодани фарзандон, хонаи обод хуб огаҳ ҳастем.

Шумо - хоҳарону модарон, бародарону фарзандонро даъват мекунем, ки ба қадри ин сулҳу оромии Ватан, Ваҳдату ягонагӣ бирасем, нагузорем, ки Тоҷикистони бо хуни дил, бо обилаи кафи дасти худ сохтаро ноором созем.

Аз Яздони пок хоҳони он ҳастем, ки Тоҷикистони биҳиштосои мо ва фарзандони онро дар паноҳи каромати худ нигоҳбон бошад.

Аз номи кулли модарони Хатлонзамин

(Ҷамъ: 700 имзо)


Шарҳи хонандагон +

Матолиби дигар:

Ҷаҳонсозу ҷаҳонороӣ, эй зан

Ҷаҳонсозу ҷаҳонороӣ, эй зан

Хабарҳо, Номаҳои Шумо
Номаи қалби табибон

Номаи қалби табибон

Хабарҳо, Тандурустӣ ва экология, Номаҳои Шумо
Назарзода ба қасами ҳарбӣ хиёнат кард

Назарзода ба қасами ҳарбӣ хиёнат кард

Сиёсат, Хабарҳо, Номаҳои Шумо
Ба тан пӯшед, ёрон, ҷомаи тӯёнаи ваҳдат!

Ба тан пӯшед, ёрон, ҷомаи тӯёнаи ваҳдат!

Фарҳанг ва адабиёт
Мактуби модарону омӯзгорон

Мактуби модарону омӯзгорон

Номаҳои Шумо