Дар як сатр
» » «Бонуи ҳунар» беҳтарин бонуи ҳунармандро маълум намуд

«Бонуи ҳунар» беҳтарин бонуи ҳунармандро маълум намуд

7-08-2018, 09:09

Бо ташабусси Раёсати кор бо занон ва оилаи мақомоти иҷроияи ҳокимияти давлатии вилояти Хатлон дар назди Кохи «Ватан»-и шаҳри Бохтар озмуни вилоятии «Бонуи ҳунарманд» бо иштироки муовинони раиси вилоят Махфират Хидирзода ва Умед Зоирзода, ҳамчунин зонону духтарони ғолибгаштаи даври ноҳиявии озмуни мазкур, доир гардид.

Озмун барои арҷгузорӣ ба анъанаҳои миллии мардуми тоҷик ва густариши маънавиёти ҷомеа нигаронида шуда, бо мақсади дарёфти чеҳраҳои нав, беҳтарин бонуи ҳунарманд ва ҷалби ҳарчи бештари занони хонашин ба ҳунару ҳунармандӣ гузаронида шуд. 

Дар ин рӯз саҳни ҳавлии Кохи «Ватан» як шаҳрчаи ҳунармандонро мемонд. Зеро беҳтарин бонувони ҳунарманди 25 шаҳру навоҳии вилоят ҷамъ омада, ҳунару заҳмати дастони гулборашонро ба маърази тамошо гузошта буданд.

Пас аз боздиди маҳсули дастони ин занҳои ҳунарманд дар Кохи «Ватан» ҳамагон ҷамъ омаданд. Сараввал Махфират Хидирзода, муовини раиси вилояти Хатлон, ба сухан баромада, аҳли иштирокдоронро барои дар озмуни «Бонуи  ҳунарманд» ширкат варзиданашон изҳори миннатдорӣ намуд. «Эълон шудани соли 2018 ҳамчун соли рушди сайёҳӣ ва ҳунарҳои мардумӣ дар самти эҳё ва рушди ҳунарҳои қадимӣ такони ҷиддӣ бахшида, бо ин васила занҳои ҳунармандро водор сохт то доираи фаъолияти худро васеъ намоянду бо заҳмати шабонарӯзӣ ва тахайюлоти рангини эҷодкорӣ маҳсули дастонашонро боз ҳам зебо ва диданӣ гардонанд»,-афзуд М. Хидирзода.

Дар идомаи суҳбат М. Хидирзода қайд намуд, ки то имрӯз дар ҳудуди вилояти Хатлон 154 адад дастгоҳҳои атласу адрасбофӣ насб гардидааст, ин ҳам аз рушди соҳа дарак медиҳад.

Масъулин мегӯянд, имрӯз хурсанд аз он ҳастанд, ки ҳунар ва ҳунармандӣ  на танҳо як василаи эҳё намудани фарҳанг, балки ҳамчун василаи таъсиррасон ба рушди иқтисодӣ ва иҷтимоии оилаҳо низ саҳм мегузоранд.

Дар фарҷом, пас аз боздиди аъзои ҳакамон аз намоиши ҳунари дастони бонувони чирадаст, ғолибон муайян гашта, ба беҳтаринҳо туҳфаю сипосномаҳо супорида шуд. Баҳри хушҳолии иштирокдорон бошад, намоишномаи фарҳангӣ пешниҳод гардид.



Шарҳи хонандагон +

Матолиби дигар:

Занону духтаронро ба касбомӯзӣ ҷалб бояд кард

Занону духтаронро ба касбомӯзӣ ҷалб бояд кард

ҲУНАРҲОИ МАРДУМӢ, АСАЛМО САФАРОВА
НАХУСТИН ФОРУМИ БОНУВОНИ ҲУНАРМАНДИ ХАТЛОН

НАХУСТИН ФОРУМИ БОНУВОНИ ҲУНАРМАНДИ ХАТЛОН

Ҳокимияти давлатӣ, ҲУНАРҲОИ МАРДУМӢ
Чорабинӣ хотирмон гузашт

Чорабинӣ хотирмон гузашт

ҲУНАРҲОИ МАРДУМӢ, ИСМАТУЛЛО ҲАСАНОВ
Озмуни “Армуғон-2017” ҷамъбаст гардид

Озмуни “Армуғон-2017” ҷамъбаст гардид

Хабарҳо, Иқтисоду тиҷорат, Арсаи кишоварзӣ
Озмуни «Бонуи соҳибкори сол»

Озмуни «Бонуи соҳибкори сол»

Хабарҳо, Арсаи кишоварзӣ, ҲАНГОМА ПАҲЛАВОНОВА