Дар як сатр
» » Хонандагони 43 муассиса аз ноилоҷӣ дар се баст таҳсил мекунанд

Хонандагони 43 муассиса аз ноилоҷӣ дар се баст таҳсил мекунанд

26-07-2018, 13:53

- Имрӯз яке аз мушкилоте, ки пешорӯйи соҳаи маорифи вилоят меистад, дар се баст фаъолият намудани баъзе аз муассисаҳои таҳсилоти миёнаи умумии шаҳру ноҳияҳои вилояти Хатлон мебошад, -  зикр кард Д. Исозода, сардори Раёсати маорифи вилояти Хатлон, ҳангоми нишасти хабарӣ бо рӯзноманигорон.

Бино ба иттилои сардори Раёсати маорифи вилояти Хатлон, дар шаҳру ноҳияҳои Кӯлоб 4 адад, Вахш  5 адад, Восеъ  4 адад, Дӯстӣ  2 адад, Хуросон  1 адад, Ҷ. Балхӣ 2 адад, Кӯшониён 2 адад, А. Ҷомӣ  4 адад, Ҷайҳун  10 адад, Ҳамадонӣ  1 адад, Фархор  5 адад ва Панҷ 3 адад муассисаҳои таҳсилоти умумӣ ҷараёни таълиму тарбия дар се баст ба роҳ монда шудааст.

- Дар муассисаҳои таълимии шаҳру ноҳияҳои вилояти Хатлон 707 ҳазору 155 нафар хонандагон, аз он ҷумла 338 ҳазору 183 нафар духтарон дар соли таҳсили 2017 -2018 ба таҳсил фаро гирифта шудаанд, - зикр кард Д. Исозода. - Тибқи маълумоти омории Маркази миллии тестии назди Президенти Ҷумҳурии Тоҷикистон, соли ҷорӣ 32 ҳазору 964 нафар хатмкунандагон ва 6 ҳазору 974 нафар хатмкунандагони солҳои пешин, ки дар маҷмӯъ 39 ҳазору 938 нафарро ташкил медиҳанд, яъне 80,2%-и хонандагон аз қайд ба имтиҳонҳои марказонидаи дохилшавӣ барои соли 2018-2019 гузаштаанд.

Дар нишасти хабарӣ ҳамчунин иттилоъ дода шуд, ки хонандагони муассисаҳои таҳсилоти миёнаи умумии шаҳру ноҳияҳои вилоят дар олимпиадаҳои ҷумҳуриявӣ ва байналмилалӣ сазовори 36 медали тилло, 58 медали нуқра ва 86 медали биринҷӣ гардиданд.

Бояд қайд намуд, ки дар панҷ моҳи соли равон дар шаҳру ноҳияҳои вилоят 130 ҳолати содиршавии ҷиноят аз тарафи ноболиғон ба қайд гирифта шудааст, ки нисбат ба ҳамин давраи соли гузашта 72 адад зиёд аст.

Мутобиқи моддаи 90 Кодекси ҳуқуқвайронкунии маъмурии Ҷумҳурии Тоҷикистон нисбати 3235 нафар падару модарон протоколи маъмурӣ тартиб дода шуда, аз 1836 нафар волидайн дар ҳаҷми 230133 сомонӣ ҷарима ситонида шуда, ба 643 нафар волидайн огоҳӣ, ҳамзамон 756 парванда мавриди баррасӣ дар судҳо қарор доранд.

Раёсати маорифи вилоят доир ба таъмини пурраи хонандагони муассисаҳои таълимӣ бо либоси мактабӣ дар соли ҷорӣ, татбиқи банди 17-и Протоколи маҷлиси Ҳукумати Ҷумҳурии Тоҷикистон вобаста ба таъмини сарулибоси мактабӣ ва ба роҳ мондани дӯхти он дар корхона ва коргоҳҳои истеҳсолию дӯзандагии шаҳру ноҳияҳои вилоят татбир меандешад. Тибқи нақшаи тасдиқшудаи Вазорати саноат ва технологияи нави Ҷумҳурии Тоҷикистон, бо назардошти ҳисоботи мудирони шуъбаҳои маорифи шаҳру ноҳияҳои вилоят, раванди иҷрои шартнома ба ҳолати 29 июни соли 2018 аз теъдоди 408 ҳазору 49 нафар хонанда 50 ҳазору 644 нафар бо либоси мактабӣ таъмин карда шудаанд, ки он 15%-ро ташкил медиҳад.

 

Комрони БАХТИЁР,

«Хатлон»



Шарҳи хонандагон +

Матолиби дигар:

Шумораи бонувони корманд дар низоми  бонкии вилоят ба 791 нафар расид

Шумораи бонувони корманд дар низоми бонкии вилоят ба 791 нафар расид

Иқтисоду тиҷорат
Сифати таълимро баланд бардорем

Сифати таълимро баланд бардорем

Маориф ва илм, КОМРОНИ БАХТИЁР
15 ҷинояти авбошӣ бо истифода аз силоҳ

15 ҷинояти авбошӣ бо истифода аз силоҳ

Ҳуқуқу амният, КОМРОНИ БАХТИЁР
қариб 47%-и хатмкардаҳои муассисаҳои таълимии вилоят донишҷӯ шуданд

қариб 47%-и хатмкардаҳои муассисаҳои таълимии вилоят донишҷӯ шуданд

Маориф ва илм, НОСИРҶОН МАЪМУРЗОДА
77,4% худро дар ММТ ба қайд гирифтанд

77,4% худро дар ММТ ба қайд гирифтанд

Хабарҳо, Маориф ва илм, НОСИРҶОН МАЪМУРЗОДА