Дар як сатр
» » Раёсати фарҳанг рӯйхати комили ҳунармандони вилоятро тартиб дод

Раёсати фарҳанг рӯйхати комили ҳунармандони вилоятро тартиб дод

25-07-2018, 10:34

Феълан дар вилоят бинои 28 муассисаи толорӣ, 25 китобхона ва 4 осорхона таъмирталаб буда, биноҳои 6 муассисаи толорӣ, 5 китобхона ва 5 осорхона дар ҳолати садамавӣ қарор доранд.

Бурҳониддин Раҷабов, сардори Раёсати фарҳанги вилояти Хатлон, бо ироаи ин хабар дар нишасти матбуотиаш гуфт, ки айни ҳол дар вилояти Хатлон 502 китобхонаи оммавӣ, 313 муассисаи клубӣ, 19 осорхона, коллеҷи санъати ба номи К. Қурбонови шаҳри Кӯлоб, 29 мактаби санъат ва мусиқӣ, мактаби рассомии шаҳри Кӯлоб, 21 боғи фарҳангию фароғатӣ, 3 театри касбӣ, 5 театри халқӣ, 3 филармонияи халқӣ дар ноҳияҳои Ҳамадонӣ, Восеъ ва Бохтар, 581 ёдгории таърихӣ, 3 ансамбли касбӣ, 11 ансамбли халқии тарона ва рақс дар хизмати шаҳрвандон қарор доранд.

Дастгирии моддӣ барои нигоҳдорӣ ва ободонии боғҳои фарҳангӣ-фароғатӣ 2 милллиону 203 ҳазору 300 сомонӣ, баргузории чорабиниҳои клубӣ ва хариди сару либос 285255 сомонӣ, таъмиру сохтмони қасру клубҳо 43 миллиону 658 ҳазор сомонӣ, осорхонаҳо 306328 сомонӣ, ансамблҳо 59000 сомонӣ, театрҳо 157690 сомонӣ, мактабҳои санъат ва мусиқӣ 181900 сомонӣ ва китобхонаҳо 2 миллиону 14032 сомониро ташкил медиҳад.

- Имрӯз дар муассисаҳои фарҳангии вилояти Хатлон 3534 нафар, аз ҷумла 513 нафар ба маълумоти олии тахассусӣ, 391 нафар бо маълумоти олии умумӣ, 125 нафар бо маълумоти олии нопурра, 799 нафар бо маълумоти миёнаи махсуси соҳавӣ, 221 нафар бо маълумоти миёнаи махсуси ғайрисоҳавӣ, бо маълумоти миёнаи умумӣ 626 нафар ва 858 корманди техникӣ фаъолият мекунанд, - идома дод Б. Раҷабов.

Ҳамзамон, дар нимсолаи гузашта фестивали ҷумҳуриявии «Ҳафтаи китоби кӯдакону наврасони Тоҷикистон таҳти унвони «Сайри китоб», озмуни ҷумҳуриявии «Библиомарафон» таҳти унвони «Ҳамнишине беҳ аз китоб махоҳ» ва фестивали ҷумҳуриявии рассомони ҷавон бо номи «Тоҷикистон-кишвари афсункор» дар миқёси вилоят баргузор гардид.

- Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон ба рушди соҳаи сайёҳӣ диққати ҷиддӣ зоҳир намуда, дар баробари муаррифии таъриху фарҳанг, инчунин табиати биҳиштосо, набототу ҳайвонот, иқлим, чашмаҳои мусаффо, обҳои шифобахшу меваҳои шаҳдбори Тоҷикистонро ба инобат гирифта, соли 2018-ро Соли рушди сайёҳӣ ва ҳунарҳои мардумӣ эълон намудаанд, - зикр кард Б. Раҷабов. - Кормандони Маркази илмӣ-фарҳангии назди Раёсати фарҳанги вилоят дар ин давра рӯйхати пурра ва китоби ҳунармандони вилояти Хатлонро дар ҳаҷми 80 саҳифа аз чоп бароварданд.

Дар ин давра дар асоси иҷозатномаи Вазорати фарҳанги Ҷумҳурии Тоҷикистон  як гурӯҳ бостоншиносони Институти таърих, бостоншиносӣ ва  мардумшиносии ба номи Аҳмади Дониши Акедемияи илмҳо дар қалъаи «Лағмон» ва дигар мавзеъҳои таърихии ноҳияи Ҷалолиддини Балхӣ корҳои таҳқиқотию бостошиносӣ гузаронида, дар натиҷа якчанд нигораи таърихиро дарёфт ва ба осорхонаи марказии ноҳия ворид карданд.




Шарҳи хонандагон +

Матолиби дигар:

Гузоштани санги асос барои бунёди муассисаи давлатии таълимии «коллеҷи оташ ...

Гузоштани санги асос барои бунёди муассисаи давлатии таълимии «коллеҷи оташ ...

Маориф ва илм
Ансамблҳои оилавӣ аз Кӯлобу Қубодиён ғолиби даври аввали Фестивали «Дунёи с ...

Ансамблҳои оилавӣ аз Кӯлобу Қубодиён ғолиби даври аввали Фестивали «Дунёи с ...

Хабарҳо, Фарҳанг ва адабиёт, ҲАНГОМА ПАҲЛАВОНОВА
Намоиши асарҳои рассомон дар осорхона

Намоиши асарҳои рассомон дар осорхона

Хабарҳо, Фарҳанг ва адабиёт, КОМРОНИ БАХТИЁР
Кӯдакону наврасони мактаби санъат хушнавозанд

Кӯдакону наврасони мактаби санъат хушнавозанд

Фарҳанг ва адабиёт, Хабарҳо, АМОН МАҲКАМОВ
Фестивали китоб то 9 апрел идома мекунад

Фестивали китоб то 9 апрел идома мекунад

Фарҳанг ва адабиёт, Хабарҳо, ҲАНГОМА ПАҲЛАВОНОВА